Friday, August 10, 2007

Hiyaaayyy

Naka-gradwet na intawon ko ug college (20 anyos) sa dihang nabunyagan. Abi ako ray dugay nabunyagan. Samtang nagtagay-tagay mi mikumpisal gyod namo ang ka-officemate nga si Rodel (taga-Siargao). Giangkon niya nga sa iyang pangedaron nga 22 anyos wala pa siya nabunyagi.

Kay lagi atol man to nga ting-sweldo, nagkasinabot mi nga pun-an ang among gi chip-in para mabunyagan lang gyod si Rodel niadtong gabhiuna. Luoy baya pod kung dili mabunyagan among amigo di ba? Mi-volunteer dayon si Joshua nga maoy mulakaw aron mangita ug mobunyag, siya baya kuno ang labing suheto anang butanga.

Siyempre kay bunyag lagi, gipun-an ug duha ka kahon ang among giinom. Mubarag-barag na gud ko kay daghan na baya ang among nahurot unya gipun-an na sab. Excited si Rodel hasta kami nga nagpaabot kang Joshua nga uban ang magbubunyag.

Tuod man, wa magdugay, miabot na ang among gipaabot. Mura'g ginerbiyos si Rodel pagkahimamat sa mobunyag kaniya. Gipaningot siya'g maayo. Luoy baya sab. Ang mobunyag sab, nagtingsi lang.

Upat gyod mi nga witness sa bunyag.

Samtang padayon mi sa pagtagay, miplastar na si Rodel ug ang mobunyag niya aron masugdan ang ritwal sa bunyag. Wa ko pagi natungab ang akong tagay kay nagsige pod ko ug yawyaw bahin sa kasinatian pod nako sa bunyag, naunsa man nga nadungog na lang namo ang pinugngang siyagit ni Rodel, "hiyaaaaaaaayyyy".

Makurat mi. Nahilom ming tanan, nanindog ug milili sa kilid diin gihimo ang pagbunyag.

"Unsa to bai?", gipangutana ni Joshua si Rodel. Wa mitingog ang karahong dako. Mikulob hinoon. Misudlot gyod ang among kalimutaw sa dihang mitindog ang mibunyag ug miingon, "mana oi", dayong tingsi.

Hala, wa lay tres minutos? Naunsa man kadali nahuman. Ang uban maabot man gani ug usa ka oras [citation needed]. Giyawyawan ni Ryan ang iyang kababayan kay banga daw kaayo. Dali ra kaayo na..nahuman gud, basta. Apan si Rodel, wa na mitingog, mihagok hinoon. Gawas nga hubog, gikapoy sa instant bunyag.

Moral lesson: Dili basta basta ang hiyaayyy! bwahahaaha...

Ambot lang!

7 comments:

Utah Mommy said...

Bwahahahaha tala man ka batang buutan abi nakog bunyag gyud nga pari ang mubunyag lahi man diayng bunyaga.Hala noh ana gyud diay mong laki gusto "MUTILAW UG LANGIT" bisan wala pa mo maminyo sa?Katawa man kos imong amigo tingali kay permiro pa man niya maong dali kaayong nagawsan sa iyang kalipay hahahaha.Luuya pod tawn gikapoy,tingali ang nagbunyag expert kaayo to.Diin pod kaha to kuhaa ninyo limpyo ba kaha wa ba kaha intawn toy sakit woi.Kamo mga laki noh mga baga jud mog kabuang dah!

JGG said...

permiro ba tawon to ni rodel. nabunyagan lagi pero d na mi motawag niya'g rodel, bai hiyay na.. hehehe..

wa na raba mi intawon nagkita niya kay miuli man ko sa mindanao, didto na nag work..ambot lang asa na ang hiyay nako nga amigo..

Anonymous said...

hahaha.. bai, imo man lagi ni gisulat.. hehehe bantay lang ka..

Eutikya said...

hala ka! ngutana kag unsay lami!? mao man tingali ni ang lami.. ang hiyay! haha

pero wa kaayo koy ikadalit ani nga komento kay wa pa man sad koy kasinati-an.. hehe

JGG said...

@rc: dong, paila pod oi.. hehehe

JGG said...

@tikya: lami gyod daw.. it smells like durian but tastes like heaven daw..

gio said...

tikya, mao ni akong gipasabot nga cheese. katong comment nako sa imong blog. HAHAHAHA