Wednesday, August 8, 2007

Bag-ong Ozamiz

Dako na ang kausaban sa dakbayan sa Ozamiz. Gikan sa tuig-2000, paspas kaayo ang paglambo niini.

Una gyod nako nga napansin mao ang pantalan. Ang kanhi samok ug hugaw nga pantalan, karon hinlo ug organisado na kaayo. Gani, angay man ipasigarbo ang passenger terminal niini, haruhay ug "safety" kay aduna may x-ray machine (for baggages) ug mga bomb-sniffing dogs.

Ang Cotta karon nindot na kaayo, ug wala na ang mga nanimuyo sa kilid niini nga maoy nakapalasot sa talan-awon sa makasaysayanong Cotta sa Ozamiz.

Human milabay ang 12 ka tuig, gibuksan pagbalik ang Labo airport (Benigno Aquino Jr. Airport) niadtong July 8, 2007. Gumikan niini duna na karoy direkta nga "flight" gikan Ozamiz ngadto sa Manila, vice versa.

Apan ang gikalipay ko ug dako, ug ang gipaabot sa kinabag-an nga katawhan mao ang "Panguil Bay bridge". Gani napirmahan na man ang MOU sa maong proyekto, ug sa dili madugay, malaumon ang katawhan nga kini pagasugdan na.

Ang "Panguil Bay bridge", nga adunay "length" nga sobra sa usa ka kilomerto, magdugtong sa Misamis Occidental ngadto sa Lanao del Norte. Abi ko sauna ug kini imposible apan karon aduna nay konkreto nga plano nga supportado mismo ni GMA.

Laing kalambuan diay mao ang pagkahimugso sa laing unibersidad sa dakbayan, ang La Salle University nga kanhi ICC-La Salle. Sa nagtuon pa ko didto sa akong masteral (2005) ICC-LS pa karon nahimo na gyod nga unibersidad.

Makahinumdom pa ko ni sir Leo Ocampos. Board member pa siya kaniadto. Suod kaayo siya sa mga student leaders, gani, makigtagbo man siya sa mga leader sa MIT, MU, ICC ug Medina College aron mahisgutan ang mga programa nga dapat tan-awon sa gobyerno. Wa ko nahibulong nga sa dihang milingkod siya isip gobernador sa Misamis Occidental, miuswag pag-ayo ang probinsiya.

Ug labaw sa tanan, ang kanhi imahe sa Ozamiz isip adunay abunda nga supply sa guinadili nga druga, karon dili na. Ang bag-ong Ozamiz, malinawon ug nagmauswagon.

Padayon Ozamiz!

7 comments:

Utah Mommy said...

Sus nindot na diay kaayo dinha ha.Wala pa gyud tawn ko katungtong anang lugara.Kanindot naman gyud ug ilaag2 galing kay kadtong pagbakasyon nako dinha last FEB kay gahol sa oras permi 3 weeks lang aong bakasyon. Maong sa sunod medyo dugayon na jud nako aron way mahay hehehe.Asa gani na dapit ang Ozamis diba sa Davao mana?

Anonymous said...

Darlene: maayo gyod bitaw nga suroyon sab nimo kining dapita..

Ang Ozamiz City, naa mahimutang sa Misamis Occidental. Kung ang Cagayan de Oro City ang atong point of reference, naa ni siya north-west of cagayan de oro.. sa mapa, duol ra ni sa lanao del norte..

girlfromdipolog said...

musta ang drug scene sa ozamiz? pirti man kuno dihang dapita. no offense!

JGG said...

girlfromdipolog: i agree with coz i spend several years in that city. pero karon, the good news is dili na as rampant as before. dili pod ko makaingon nga wala na gyod... thats virtually impossible this time but at least it's not as worse as before..

Anonymous said...

salamat aning patsada ug positibo nga post bahin sa ozamiz... i've been wanting to feature more of it in my blog, but i hardly have the chance to really explore... in due time, i suppose.

proud ozamiznon here. :-)

Anonymous said...

ambot ug madayon ba jud ng tulaya nga mora man ug naay deperensya ang area sa panguil bay or heard naa daw fault line, ug ang construction material nag-increase ang value so mo-increase sab ang budget niini, but the question is where to find an additional budget?

JGG said...

Uy, salamat sa pagpaambit ning maong kasayuran. Hinaot unta ang pinakamaayo maoy buhaton sa mga opisyales.