Monday, 13 August 2007

Walhon

Mabuhi ang tanang walhon sa Pilipinas! Mao kini ang akong siyagit sa akong Instant Messenger. Mi-react intawon ang uban nakong amigo sa Mindanao. Miapil na ba daw ko sa walhong pundok?

Karon ang adlaw sa mga walhon!

Dili ang walhong pundok ang akong gipasabot kundili ang mga tawong mosuwat gamit ang walang kamot. Usa na ko nila.

Ganinang buntag, samtang nagsuroy-suroy ko sa mga paboritong blog, akong nabasa sa suway-suway lang nga karon adlawa diay maoy adlaw sa mga walhon.

Salamat naa pod diay adlaw para namo. Siyempre nalipay ko kay kaniadto sa gamay pa ko, sungogon baya ko sa mga classmate ug walhog tiki daw. Unsaon, ako ra may walhon sa among section niadto. Luoy intawon kaayo ko. Arang-arang sa dihang nag high school na kay daghan na ang walhon. Unya kasagaran sab sa walhon, naa sa honor list. Hmm... hehehe. Nabawi ra sad.

Sa among pamilya ako ra sad ang walhon ug ako ra ang nag-inusara nga hilomon apan sekreto ug labok. Kung akong uyab pasultihon, buotan kuno ko nga pagka-bugoy. Ambot lang, wa ko kasabot sa buot niyang ipasabot. Sa akong pagtoo, buotan man gyod ko. bwahaahah...

Kaniadto, nahibulong gyod ko nganong lahi man ang kamot akong gamiton sa pagsulat. Dili lang sa pagsulat, wala sab ang akong igunit sa kutsara, wala sad sa pagpahid sa luha (dinaug-daug), sa pagsuntok, sa pagkuan; basta, sa mga gimbuhaton gud.

Karon nasabtan na nako nga dili man dautan nga walhon ko. Ang importante nga makamao ko mahigugma sa mga maanyag nga bituon, walhon man sila o dili.

Karon man ang adlaw sa mga walhon, akong isyagit: Mabuhi ang tanang walhon sa Pilipinas, North Korea, China, ug sa tanang kanasuran sa kalibutan!!!


Ambot lang!

4 comments:

texas_sweetie said...

ahahaha makayabag mani imong tampo karon bay. Walhon pud baya ko ha abi ko gidaog daog ang mga walhon aning entryha d diay pasalamt ko kay gipatigbabaw diay ang adlaw sa walhon...

agi rako ug manghinaot ako ug magpadayon ikaw ug pakabuotan diha para dili ka malabtikan sa lubot sa imong uyab.hekhekehk

batang buotan said...

texas_sweetie: salamat sa walhong mga pulong, este, sa paghapit diay ug sa imong yawyaw.. mabuhi ang tanang walhon!!

Darlene said...

Woi batang buutan walhon baya pod akong manghud ug akong bana unya mga brayt baya silang duha.Pero suana kiwawan ko mag tan aw ug tawong walhon pero karon dili naman ingun sila kasagaran daw walhon buutan ug brayt pero dili tanan wala ko nag ingun ikaw pod ha?wahehehehe jokes lang.

batang buotan said...

darlene waaaahhhh wa koy apil? huhuhuhuhuhuh(hilak, 2 hours, 5 minutes, 28 sec.)

basta akong gi-declare nga ako buotan.. hehehe.. bahala na..

samalat (thanks) sa paghapit!