Wednesday, August 22, 2007

Kris Aquino for Vice President?

Si Kris molansar pagka-bise presidente sa Pilipinas?

Dili oi!

Si bai Ramses molansar pagka-kapitan sa Forbes Park, Makati? Ambot lang! hehehe..

Makakugang ning ubang mga balita. Kagabii sa TV Patrol gipanghimakak ni Kris Aquino ang mga taho ug hungihong nga kuno siya mudagan pagka-bise presidente sa nasod sa 2010 election. Hapit na ba ang election?

Kining uban usahay maayo kaayo mohimo ug isyu. Diin ba ni gikan nga mga taho?

Hinoon dili kini angay ikatingala kay si Kris aduna may politikanhong gamot isip anak sa kanhi senador ug kanhi presidente sa Pilipinas.

Matod pa ni Noy Abloy, ang banggiitang political analyst sa tubaan ni Nang Charing, ang politikanhong gamot ni Gloria (ang apilyedong Macapagal) ang usa sa nakapadaug kaniya sa dihang midagan siya isip senador kaniadto. Ug lagi kay maayo man sab ang iyang "record" sa senado, nakagamot pag-ayo si Gloria sa natad sa pulitika. Karon, siya na ang rayna sa palasyo, este, presidente sa nasod. Tiaw mo na!

Mao nga sugyot sa batang buotan, pamalandongi kuno sa makadiyot ug susiha kung aduna ka bay politikanhong gamot. Kinsay nasayod, ikaw ang sunod nga lider sa nasod nga maoy makapahaw-as sa kinabag-an gikan sa nasinating kalisod.

Mag-usab usab baya ning panahon. Sama sab niini ang huna-huna sa tawo. Kinsay nasayod, mausab ang hunahuna ni Kris ug makahukom siya nga modagan gyod sa 2010? Naa bitaw miingon kaniadto nga dili na, unya pagka-akto na mismo, moku-an diay. Weather weather man kuno ang showbiz. Aw, unsa ba, politika man diay ning akong gihisgutan, naabot man ko sa showbiz. Unsaon man gud nga naay mga politiko gustong mag-showbiz, kadtong naa na sa showbiz, gusto magpolitiko. Ambot lang!

Balikan ta si Kris, unsa kaha kung modagan gyod siya, botohan kaha siya sa mga katawhan? Oi, wag ismolin, maraming kris fanatics! Ikampanya kaha siya ni Boy Abunda? Paminawon kaha ang iyang plata-porma de gobyerno? Atangi!

Hello banker.. (dili ni hello gar_ _..?)

Unsa man gyod Kris, DEAL or NO DEAL?

Ambot lang!

9 comments:

Anonymous said...

Tinuod na, gani sa panahon sa kampanya ni Ninoy, si Kris man ang pinakabata nga tigkampanya. Pito pa siya ka-tuig niadto.

Eutikya said...

pero murag dili ko mobutar ni kris...

Anonymous said...

ingon pa nila "hunos insayd da aparador", wa lang ta kabawo, kana pa sila mga "artistahon" hehehe

JGG said...

@MindAnaw:
salamat sa pagwayawyaw.. aw, sa informasyon diiay.. hehe

@tikya: ako kaha, mobotar niya? ambot lang!

@cantilangnon: sakto, dili nato mabasa ang hunahuna ni kris.. unsaon na lang.

Ambot lang!

Anonymous said...

agay! my gas! na unsa na man tawon ning pilipinas oi! na hala! ipa dagan pud silang ai ai, bentong, dagul ug uban pa... kasamok! ako na lang mag artista beh!!! :-)

JGG said...

@alta: hinoon mga pangagpas ra man na nga modagan si kris, pero kinsan nakasiguro nga dili siya diba? hahay..

Hakuna Matata said...

hawod man si kris.. dili man pud siya basta-basta..walay problema kung mudagan siya.. mas ganahan pa siguro ko sa iya kay ka noli de castro.. murag mubotar ko sa iyaha..heheh..

JGG said...

@Hakuna Matata: salamat sa pagbisita.. hmm.. noli and kris? hehehe..

Anonymous said...

What a delighting news from the Philippines finally,Kris for VP,we'll vote for you,girl!