Wednesday, 29 August 2007

Way title

Kainan na! Lunch break na man diay. Wa kaayo nako nabantayi ang oras. Mora'g bag-o ra man gud ko nagsugod ug tuslok-tuslok diri. Pila na diay ko ka oras nga naghilom lang, way yawyaw? Pila na gani ka mug (dili ko makontento sa cup) nga kape akong nahurot? Oi, kapila na diay nako gibalik-balik ug paminaw ang mga huni pangtrabaho? Ambot lang!

Ikaw, unsa nga musika ang imong gipaminaw?

Nakahinumdom ko sa akong nabasa sa Developer Magazine bahin sa pagtuon nga gihimo sa Microsoft. Gusto man gud masayran sa maong kompaniya kung may kalabutan ba ang musika ug ang software development. Kay matod pa ang pag-develop ug software mura man sab ug musika, adunay daghang mga pamaagi, ug adunay iyang kaugalingon nga hiyas (hiyas gyod?). Nasayran sa mga nagtuon nga kadaghanan sa mga "developers" maninaw ug "rock music" samtang magsulat sa mga "codes". Dili diay madaot ang ilang concentration sa saba nga klase sa musika. Hinoon naay uban nga mas gusto ang medyo hilom nga klase sa musika. Ang importante, nakita nga naay relasyon ang musika sa "nature" sa ilang trabaho.

Mao diay nga kasagaran sa akong kaila nga programmer, mga rakista?

Ang musika lakip na sa kinabuhi sa tawo. Matag tawo aduna lay lain-lain nga gustong paminawon. Naay gusto ug saba naa say gusto ug pangpatay nga music.

Akong gusto kay dili ra kaayo saba, dili ra sad kaayo mingaw. Pero naa koy kauban diri nga dili music ang obsession, hubaron niya sa bisaya ang mga inengles diri, ambot nakatabang ba siya o nakapasamot sa among kalibog. Niay sample sa iyang mensahe ganina (IM). Ako lang gi-edit ang computer name.

maayong butang, naa ra sa \\[computer name]\Virtual_PC_Max ang mga VPC for bintana ekspe (sp1, sp2), bintana dosmil [2000] (sp3, sp4, advanced server sp3, advanced server sp4) ug bintana dosmiltres [2003] (native, sp1, standard sp1, standard sp0)... salamats...

Dugay gyod ko kasabot. Dili kaha masuko si Bill ani? Basta mao daw na ang bisaya.

Oi, hapit nang 1pm, sugod na ko ug trabaho.. hehehe.. Dalikyat ra ko ug yawyaw..

Ambot lang!

4 comments:

weng said...

correct jud ka kuya. may gani ganahan sad ka ug christian music.

batang buotan said...

sakto ka, akong amiga sa mindanao iyang ganahan children's songs..

jun.anteola said...

childrens' songs?!?! hahaha...

bitaw makaapekto ang music sa atong adlaw adlaw nga buhat. gani kung gusto mag "diet", advised nga maminaw ug slow music para hinay-hinay pud ang paghungit sa pagkaon. ang mga mabdos ginaingnan nga maminaw ug classical music para sa ikaayo sa development sa ilang ginasabak (specially brain function and capacity for learning). para sa pagtuon, classical music gihapon.

batang buotan said...

@jun.anteola: i agree.. music is a universal language