Friday, 17 August 2007

Maldita

Tam-is kuno ang gugma sa gwapang maldita. Ang maot nga maldita? Ambot lang!

Ambot nganong daghan man ang maldita ning kalibutana. Daghan lang hinoong mga lalake nga buotan ang masakitan.

Kasagaran sa mga maestrang dalaga (labi na ug edaran na) mga maldita. Mangurog intawon ang mga pobreng estudyante. Naa say ubay ubay nga mga manedyer nga babaye, maldita. Abi ko gani sauna nga ang mga madre maldita kay mahalok man ko sa among non-academic head (high school) nga madre.

Ang grabeng makasakit sa pagbati mao ang dalagang maldita. Hinoon naa uban pa-maldita maldita lang para ibigin.

Sayon ra man ilhon ang mga babayeng maldita. Sunda lang ang akong sugyot. Tan-awa ang iyang mga mata, susiha kung unsay color; nag-abot ba ang kilay?; obserbahi ang pagkibot-kibot sa iyang ngabil; tutuki siya pag-ayo unya kidhati; kung sipatan ka gani, confirmed: maldita nang bayhana!

Niay mas maayong paagi. Tapad sa babayeng gidudahan mong maldita. Dotdot gyod niya, unya totoki siya ug pili kaayo. Kung masuko gani unya yawyawan ka, confirmed: maldita nang bayhana!

Kung sagpaon ka gani, proven: maldita nang bayhana!

Sa akong obserbasyon ug basi usab sa akong kasinatian, nakaingon ko nga ang bugtong makapausab sa mga maldita mao ang tinuoray nga gugma ni dodong. Pinaagi sa tam-is nga pahiyom sa buotan nga ulitawo inubanan sa mainitong hapuhap, ug hunghung, patay kang malditaha ka, makahigda ka gyod.

Maldita ka ba? Kung mao, alaot ka. Hehehe...

Ambot lang!

19 comments:

texas_sweetie said...

Ay gibangkong nani ron..dili nalang ta magminaldita ani kay na makahayang lagmit mobutod pa.. patay mong mga malditaha mo.. maayo gani ko buotan ug "maghagok" hehehe...

Happy Friday Bay!

batang buotan said...

bwahahaaha.. hinaot nga walay nay maldita..

Darlene said...

Na ako dong kay depende man akong kamaldita naa man sa lugar.Dili lang maldita delikado pa.Ayaw nalang kog suwayi ug sungog kung di ka nako feel kay katilaw kag tagam gyud.Sauna pa bisan sa akong kabatan on wala gyud muduol nako laki kay mahadlok mabanghagan gyud.Pero buutan baya ko kung tarong akong kaatubang.Sama nimo batang buutan hehehehe

batang buotan said...

buotan man ko mao i'm sure buotan pod ka nako.. waaahhhh...

thanks for dropping by..

grace_of_angels88 said...

haha magkatawa man ko ani nga post oi. Ka ubo jud ning mga maldita. Maayu gani kay buotan ko. Pero ayaw lng bikla. bwahahah kay sungayan pod ko.. nyahaha. btaw, atik rato tanan.. haha..

batang buotan said...

grace_of_angels88: salamat sa pagyawyaw.. hehhe.. ako man ankita sa akong bola nga kristal:

confirmed: buotan ka
proven: dili ka maldita

waaaaahhhhh!!!!

tikya said...

hala.. patay ka dira.. maestra raba ko.. nya dalaga pa sad.. maldita sad ko ginagmay.. saon na lang kong mada kos mga tam-is na mga pulong.. mobutod man kaha.. arang-arang na lang kay wa man koy kalambigit karong mga higayuna! =P

batang buotan said...

hala ma'am, si Inting nagcheating na sab! hehehe.. tikya: maestro man ko sauna, pareson diay ta. maypa lagi wala na lang ko mi-resign pagka-maestro aron kita na lang ang malambigit.. waahhhhh..AMBOT LANG!

maldita test: CONGRATS! according sa result, dili ra kaayo ka maldita.. hehehe

weng said...

naay may maldita nga wala sa lugar naay say maldita nga naa sa lugar. ug kamong mga babaye ayaw kahadlok.... kita man tanan naay pagkamaldita (hasta sang mga lalaki). "ayaw sabta nga ang pulong maka higda gyud ka" ang buot pasabot mabuntis ka" kai sa tinoud lang dili tanang naka higda nabuntis o niburot. sa laing bahin sad pwede man ang pulong "HIGDA" dili gyud buot pasabot mahilabtan sa lalaki or mabuntisan. "makahigda gyud ka" could be a cebuano idiomatic expression which means you will lose. dili ka magmadaugon sa imong pagpasakit sa uban or dili ka mo lampos sa imong pag bi-ay bi-ay sa uban. Owssssssssss! pastilan murag seryoso ra kaayo ko da............... aron lang ni mawala ang inyo kahadlok labi na gyud sa mga maldita nga naigo ani nga blog.......... kuya sa sunod ayaw sad tawn pang hadlok .....

batang buotan said...

waaahh....

bitaw sa? naay may nakahigda na pero wala miburot, pero naa say nagtindog ra amn unta pero miburot.. lahi-lahi jud na..

Weng miingon ka nga:
kita man tanan naay pagkamaldita (hasta sang mga lalaki)

hala posible maldita sab ko? waaahhhh..

salamat sa tanang miyawyaw..

weng said...

bitaw sorry nasayop ( ang mga lalaki maypaka maldito sad sila) heheheeh.... pero posible nga maldita sad ka kuya heheheheheh wala ta kahibalo unaware lang ka basin d-i i discover pa na nimo hehehehe ( binuang ra )

titov said...

walay gahi nga kasingkasing sa maestra sa init nga gugma sa drayber sa habalhabal...

tikya said...

apan naa man sa lugar akong pagkamaldita... labi nas mga istudyanteng bugo nya gahi pa guyd ug ulo.. heheh

lain pay ato..
batang boutan, aha man ka nag maestro sauna?ehehhehe

batang buotan said...

@titov: mao gyod, kay basta habal-habal driver, sweet laber..

tikya: ang estudyante angay higugmaon.. labi na ug gwapa.. waaahhhh

nold said...

how bout sa laki nga teacher,,,,nga edaran na

batang buotan said...

nold: ako lang nya susihon unsa sab ang sa maestro nga ulitawo nga edaran na sab..hehehe

ambot lang!

nold said...

ok sir.....

katiepeach said...

well dli man tanan ing-ana kamaldita no..ikw ba dw sitsitan sa dalan n murag iro..ug tabisan nga murag lahi ra kaau..ganahan ba ka?..may untag d ka dalaga..or bisan pa...babae dw ka..respituhon pod dw oi!....nya pag dutdut-dutdutan ka maganahan baka?..chansing pa jud....ambot n lng jud...kng maging pormal man lng k ug mo-approach ug tarung kinsa bang disenteng babae ang d mtubag og tarong gud...naa ra na kng paano ka magdala...magmaldita lng sa angay dli sa taong dapat respetuhon pud.!!!!!!

batang buotan said...

@katiepeach: bitaw sab. tinuod sakto ka. naay uban maldita kay ang miduol maldito man sab. naay uban maldita kay, ambot maldita lang gyod sila. Hehehe. Basta buotan nga babaye, angay i-respeto.