Tuesday, 28 August 2007

Bisdak, ikaw ba kini?

Nakatatak na sa mga Sugbuanon ang pagkamaabi-abihon, pagkamapahiyumon, pagkamatinud-anon ug labaw sa tanan, ang pagkabuotan (apil ko ani? hehe).

Sa programang Noypi sa ABS-CBN TV-2, gihimo ang "social experiments" dinhi sa Sugbo. Sa maong "social experiments" masayan ang reaksiyon ug pagabuhaton sa ordinaryong Sugbuanon sa usa ka sitwasyon.

Gilakip sa maong "social experiments" ang pagpanguyo ug tabang unsaon pag-adto sa usa ka lugar ug ang pagtuyo ug bilin sa cellphone.

Sa unang gihimo sa programa, adunay mga babaye nga nangutana (naa sila sa Mactan Shrine) kung asa makapalit ug gitara. Usa ka lalaki ang mitubag. Mihangyo dayon ang mga babaye nga pakuyog sila sa palitanan ug gitara. Sa walay pagduhaduha, gikuyugan ni manoy ang mga babaye. Ulihi na lang niya masayran nga gisulayan ra diay siya. Ingon niiana motabang ang mga Bisdak, mao nga dili ikahibong nga daghan sa mga turista ang na-enganyo gyod sa Sugbo. Ang Sugbo dili lang gipanalanginan ug natural nga kaanyag, naa usab ang mga ligdong mga mga Bisdak.

Gihimo usab ang laing eksperimento, nabilin kunuhay ang cellphone sa usa ka mamalitay sa tindahan. Didto napamatud-an ang pagkamatinud-anon sa mga ordinaryong Sugbuanon. Sa Taboan, walay pagduhaduha nga giuli sa tindera/tindero ang cellphone sa mamalitay. Giuli sab sa usa ka fruit vendor, tindera sa usa ka hardware ang "nabilin" nga cellphone. Gani gipanghimangnoan pa man sa usa ka tindera ang "nakabilin" sa cellphone nga mag-amping gyod sa iyang butang. Concern!

Naa na gyod sa dugo sa mga Bisdak ang maayong mithi nga angayang sundon.

Kung aduna man gani mga pasaway, pipila lamang sila.

Ang ako kahang mga amigo, buotan o pasaway?

11 comments:

weng said...

gosh! kuya ni watch d-i ka sa NOPI, was able to watch it last night. lingaw kai mi sa ako brother.

weng said...

NOYPI man correct ba ko?

batang buotan said...

weng; oo, tan-aw ko.. dugay man nakatulog. hehe.. hahaykalaaywaytagay.. hehe.

Anonymous said...

di man sad tawn tagay lang ang makapawala sa laay............. grabe sad nimo kuya.

pero naa man bya dugay ni hatag sa sukli didto sa larzian, di ba naa tindera wla siya ni hatag sa sukli if wala pa siya maningla.

batang buotan said...

wala nako naapil.. naa bitaw to, hinoon dili ra kaayo major.. sa kinatibuk-an, ok ang result

cantilangnon said...

ako misag dili ko taga sugbo, sa akong kasing-kasing, bisdak gyud ko kay daghag mga panghitabo ja sa sugbo nga di gyud nako malimtan. hehehe

batang buotan said...

@cantilangnon: pareho ta bai, kay ako sab dili man taga sugbo, bisan pa nga nakuotan ko ug pitaka sa colon, ok lang kay sa kinatibuk-an, mga buotan man ang subguanon..

palakangbisaya said...

ako taga sugbo :)

og somewhat maka-agree ko sa pagkatinabangon sa mga sugbu-anon.

naa lang jd mangu-utay. suri nalang batang buotan. magabantay jd pirmi sa kaugalingon.

naka adto man jd ko sa Norteng dapit sa Pinas, og diri ra jd ko sa sugbo nakabantay nga maglikayay ang tao og dili ka dasmagan kung makasugat mo. Usahay mag-patentero na hinuon.
Didto sa Norte, ikaw nalang mo likay. Lahi jd ang mga Bisdak.

batang buotan said...

@palakangbisaya: uyon ko sa imong gisulti, gani kining kauban namo diri sa trabaho nga taga norte (Cagayan Valley) (duol na sa taiwan no? hehe) nakadayeg man sa maayong taras sa mga bisdak.

btw, about sa maguotay, bisan asa man na, naa gani kuno manguot sa dubai ingon akong amigo, pero lahi man ang gikuot. hehehe..

lesson: mananghid sa dili pa nanguot para way blima..

AMBOT LANG!

Online Editor said...

ako bay, morag apil ka anang linya sa mga bisayang buutan. gisab-itan pa man gani kog medal kaniadto.

batang buotan said...

@Online Editor: daghan gyod diay ang mga buotan.. hehehe..