Thursday, 30 August 2007

Magtutudlo

Everyone can teach but not all are teachers.

Mao kini ang gipahinumdom kanako sa akong inahan sa dihang mihukom ko nga magtudlo. Akong nabati nga gusto niya nga ang kursong Edukasyon ang akong pagatun-an sa kolehiyo, apan lagi kay sa akong paminaw kaniadto dili nako kaya (kay maulaw man ko kaniadto motindog sa tunga atubangan sa daghang tawo) mao nga mikuha ko ug lain nga kurso. Mao nga sa dihang miingon ko nga magtudlo iya dayon kong gipahinumduman.

Ang maong mga pulong mitatak gyod sa akong alimpatakan. Gani mao kadto ang nahimo kong giya sa tulo ko ka-tuig nga pagtudlo.

Kitang tanan, pwede magtudlo. Gani maayo man kaayo motudlo ang uban, ilabi na ang mga ginagmayng kabuang. Usahay tudlu-an ang gagmayng bata nga ang iningles sa saging "lakatan", ang iningles sa kanding "meee", ang iningles sa baka, "mooo".

Dili gyod ko kalimot ana kay amo na ang gitudlo sa among silingan nako. Apan katong nagtudlo kanako sa among mga butang matawag ba nga magtutudlo? Dili kay sayop ang iyang gitudlo ug nasayod siya nga sayop kini apan iya gihapong gitudlo aron lang kataw-an ang sayop.

Daghan sa mga kaila ko nga kanhi nagtudlo ang mipadayag sa mga kabadlongon sa mga tinun-an. Adunay magsige ug reklamo nga mga gahi pasabton ang mga estudyante. Sa akong pagpamalandong, nahinumduman ko ang pangutana sa among magtutudlo sa Journalism. What is Journalism for you (as journalist)? A vocation, a career, a profession.

Sa mga magtutudlo angayan lang nga sa makausa pa pamalandungan kini. What is teaching for you? A vocation, a career, a profession.

Ang sukdanan sa pagkamagtutudlo dili lamang sa iyang dakong kahibalo sa "subject matter". Laing sukdanan mao ang iyang dakong pagsabot sa iyang dakong responsibilidad isip magtutudlo.

Makamao ko nga motudlo unsa ang "noun", kung unsaon pagsulat sa balita ug editorial. Pwede nakong tudluan ang akong manghod kung unsa ang kalainan sa "speed' ug "velocity" ug ang "Newton's Law of Motion". Apan ang dili nako sigurado sa pagkakaron kung ako usa ba gyod ka magtutudlo - tinuod nga magtutudlo. (wa na man pod ko nagtudlo karon)

Ambot lang!

7 comments:

palakangbisaya said...

ang akong nahibaw-an batang buotan.

Ang bisaya sa Teach, Tudlo.
Ang inenglis sa Tudlo, Finger.

So kung naa gani chicks nga mgpa-Teach, aw...

batang buotan said...

@palakangbisaya: yehey!! kung mao na mo-accept na ko part time tudlo. hehe..

palakangbisaya, thank you for teaching me..

Ambot lang!

palakangbisaya said...

wa pa gani! HAHAHAHA :))

jun.anteola said...

LOL @ palakangbisaya.

kapoy bitaw pud magtudlo... makaulit kung morag ikaw nga magtutudlo mao ra'y nagtuon, and mga estudyante klarong wa kabasa man lang.

the challenge is not really in telling them everything they have to know. a teacher doesn't have to know everything. it's in how one is able to get them interested and find answers.

asa ka planu magtudlo bai?

batang buotan said...

@jun.anteola: thanks.

just for today, im fulfilled with my career, i may go back to teaching when the right time comes..

tikya said...

i love teaching.. thats for sure. hahA.

tinoud na kapoy siya.. pero malipay gyud ko.. labi na kung makita nako na nakakuha ang akong mga studyante.. na nakasabot sila sa akong gipangyaw-yaw.. kay kung dili makasabot.. nah... bantay lang jud.. maahat na lang sila`g sabot! hahaha

batang buotan said...

@tikya: swerte jud mga students nimo sa, gawas nga maayo ang ilang magtutudlo, maanyag ug buotan pa gyod..