Wednesday, 1 August 2007

Maninintal

Kining mga babaye (aw, dili man tanan) maayo kaayong manintal. Ambot ba ngano nga kining mga lalake dali man sab kaayong matintal. Aw, dili pod diay kuno tanan kay ang akong amigo nga si Danny, dili man kuno dali matintal. AMBOT LANG!

Kagabii maayo unta kaayo nakong pagbaktas-baktas sa dihang nalansang ang akong mga mata sa maninintal nga Eba nga nagtindog sa atbang sa Jollibee.

Mibudlot gyod ang akong mga mata. Sama sa pagbudlot sa akong mata kaniadtong unang higayon nga nagwiwi mi sa baki didto sa laboratory. Curious kaayo ko sa akong nakita. Kinsa bay Adan nga dili matintal sa mansanas nga gipaibog?

Mubo kaayo ang pulang shorts nga gisul-ob sa chicks. Ang blouse mubo sab, nakita gyod ang iyang pusod. Kung nakakita pa lang si bai Danny sa kahamis sa paa sa babaye, makapiyong gyod siya. Mibutobuto gyod ang akong dughan samtang mipilit kaniya ang akong panan-aw. Ambot ba ug ngano, maayo na lang kay nabanggaan ko (kay naa man ko sa tunga sa agianan) kay kung wa pa, hayan malagpot gyod ang akong mata.

Sa susama niining mga higayon, mag-ampo gyod ko nga dili matintal. Niadtong niaging katuigan natintal man god ko sa akong nakita sa usa ka coffee shop sa sugbo, unya naa gyoy nahitabo pagkahuman. Unya na lang na nako isugilon. hehe

Mao nga sukad ato, natagam na gyod ko.

Sa mga dali matintal, niay tips unsaon paglikay sa tentasyon:
  • ginhawa ug lawom
  • ilingiw ang ulo
  • piyunga ang mata
  • lakaw palayo
  • kung dili kaya, duola!

AMBOT LANG!

3 comments:

Darlene said...

Salamat sa pagbisita nako batang buutan.Ako nya kang i link ha kung ok ra sa imonh kabubut on hikhikhik.
Anyways,happy !st day of August there & happy wednesday as well,godbless!

texas_sweetie said...

hi batang buotan..ka nice ba sa blog oi makalingaw man..susamaraman pud nga naa kos pinas aning kalakiha..

change links ta kay interesting maning nakapatik diri oi..kana ug ok ra nimo?

texas_sweetie said...

added napud ka naku bay. hay kaha magbutang kag tag board para sayon ra pag leave ug message nimo..ty sa linking ha..murag dungan dungan rata ug link baya heheheh..buotana jud nimo bay oi!