Tuesday, September 25, 2007

Sex Sense and list of six

Gipasa ni gikan bai Ramses kaganinang buntag, karon pa intawon nako nasawo kay layo baya ang Makati. Niay gamayng papel nga pasulatan kuno ni sa unom ka mga kahibulungang butang sa akong kaugalingon. Enumerate and discuss. 5 points per item. Hala, quiz diay ni? Gikan man diay ni sa payag ni donya eutikya, ang banggiitang binuhat sa Iligan bantog ra. Taym pa magkuha sa ko'g lapis aw, bolpen lang. Aw, pwede mechanical pencil lang? Ako mang isulat sa tracing paper, isulod nya nako sa Rotring tracing tube para sayon ra unya pag-itsa sa uban ingkahuman. Hehehe..

Nia na, ipagawas na nako:

one: Nahibulong gyod ko nganong nakuyapan ko sa dihang gibangga (nabangga) nako ang motor sa crossing sa Mahayag. Gamay ra man unta ang samad (upat ra ka tahi) pero sa dihang gitapuk-an na ko sa mga tawo ug naay misinggit nga hala kadaghan sa dugo, kalit lang napalong akong panan-aw. Sige, ako na lang ibutyag, dili ko mahadlok sa global warming pero mahadlok ko sa dugo nga motulo gikan sa akong lawas. Ngilngig kaayong tan-awon ang pula nga likido nga init-init pa nga modagayday ug maglatay-latay sa akong panit. Pero atong gamay pa ko, atsa baya tong gituli ni Rohel nako, daghang dugo pero wa man ko nakuyapi. Karon hinoon, mahadlok na man ko'g dugo. Noy Teban, tambagi ko!!!

two: Ngano kahang dili na ko mahadlok ug patay nga tawo. Bisan pa ug magbudlat ang mata sa patay, dili ko mahadlok. Bisan gani ug mogawas ang dila, dili ko mahadlok matan-aw. Ganahan man gud unta ko nga motrabaho sa Fisher and Son's Funeral. Kinsay na in-love sa Six Feet Under diri?

three: Nganong niwang ko? Nahibulong gyod ko ngano samtang ang uban jumbo. Naay miingon nga tungod daw kay gamay ra ko'g kaon. Pero daghan man akong kaonon, kaon man gani ko'g bingka (a lot of it), ensomada ug uban pa. Peo niwang gihapon. Gaba daw ni. Dili pod tingali oi. Naa miingon nga sa body metabolism daw. Unya naay milakbit nga genetic factor daw. Bai Ramses, makamao ka mo-modify sa genetic code? Hehehe.. akong ipa-modify akong source code. Ambot lang!

four: Nahibulong pod ko nganong maghigwaos ko kung dili nako mapagawas ang akong gibati. Kaniadto simple ra baya kaayo ang akong medium sa pagpagawas sa akong gibati, karon, makagasto na gyod ko kay dili man makontento.

five: Mahibolong pod ko nganong huyang kaayo ko sa mga tentasyon. Dali ra ko matintal. Mao nga sa dili pa ko tintalon, molikay na lang ko sa tentasyon. Daghan man nga mga tentasyon ang akong gilikayan apan ang akong gipanlimbasogan mao ang matintal ko sa gwapa ug brayt nga maestra.

six: Unsa pa man? Wala na man koy mahunahunaan. Ang ang ku-an pod diay nako, ang kining ku-an ba. Hehe.. Sa iningles pa, I'm proud to say that. Basta nahibulong ko kay midako man. Matod pa ni ku-an, the bigger, the better. Ku-an ang akong masulti, better late than never.

Ambot lang!

P.S. Ako ning ipasa kang Nep, Lory, Cantilangnon ug kang bai Tibor (Namisita ka bai?) ug sa tanan nga mopunit.

13 comments:

girlfromdipolog said...

hala, naa jud koy theory anang mga niwang ba. basta wangkig og lawas di jud kumpiyansahan. way mintis pa jud na! ngano bitaw kaha?

fair jud si Lord noh, maayo kaayo mo-balanse sa nature.

maytag makapili kog niwang aron di ko magmahay! hahaha... bitaw oi, joke ra ha. para makabasa pod mo sexist comments from a girl oi.

peace batang buots ha!

Utah Mommy said...

Tinuod baya na nganong niwang ka,kay kusog imong metabilism sa imong lawas,parehas nako bisan saun nako kaon dili gyud ko mutambok mubus ok nuon pero dili gyud ko mutambok nga parehas sa uban nga maglanay na hehehehe.Talawan diay kag dugo ha?Dili ka pwede mag Nar-S batang buutan lol!Nalingaw kog basa sa imong mga tubag,nature na gyud na sa lalaki mangita ug kapahungawan sa ilang gibati lol!

Utah Mommy said...

METABOLISM diay woi!Syalan libat man koi permi sa puter!

Anonymous said...

bai, hala usa raba ko sa imong gitagayan, imnum ra ni nako. hehehhe

Anonymous said...

LOL. pirte nakong bahakhak sa imong comment day girlfromdipolog oi! hahahahaha. di ko ka-get over! agree kaayo ko ana.

ngita tag niwang na!!! in all fairness gyud na day.

joke joke ka diha dalag tinuod. kusi-a ra gud ni sya batang buotan! hahaha. di ko kaundang ug tawa da. tsk.

45c4x564cv64 said...

Sex sense...

Kadaghanan sa niwang dagko gyud...pero dili sad tanan...pero alang nako dili na sa gidak-on...sumala pa size does not matter. It's how you do it...So let's do it! Ako ni ipadayon sa akong blog!

JGG said...

@gfd: hehehe.. hala dili gyod diay sila mokompiyansa nako? pagbantay sa iro, aw ku-an diay, pagbantay sa niwang ambot lang!

@darlene: dili lang gyod ko anang nar-s..dili nako kaya.hehehe.

@cantilangnon: sige bai!

@iamsorceress: that calls for a celebration sa tanang niwang sa kalibutan! hahahahaa..

@obramaestra: dako gyod diay, kasagaran? hehe..pero uyon ko nep nga size doesnt matter. unsaon man ang dako kung dili makasugakod ug taas nga biyahe. hehehe

salamat ninyong tanan!

ambot lang!

girlfromdipolog said...

wa pa ko nahimutang, pahirita sa jud ko kay daghan jud laki moingon nga size doesn't matter og nagtuo jud kaayo sila ana. mangilad pa maong sugot na lang pod tawon usahay ang mga babaye... ahahaha! aguy sorry dong, no offense sa mga lalaking maigo, sa ako jud sige madunggan sa mga girl talk, ang pinakatinuod -- size matters ra ba jud! kay ang HOW HOW the carabao -- naa pa tay mabuhat ana. ang PIN PIN di sarap PIN -- murag di na matabang.

JGG said...

@gfd: wala gyod dayon ko mitubag ani kay nagsurvey pa ko diri sa mga barako kung unsay ilang ikasulti. ang resulta, katong nagtoo nga dako ang ilaha moingon gyod nga size matters pero katong mura'g alangan kung dako o gamay ilang gipas-an, moingon nga naa ra sa pagdala. ang lesson: defense mechanism. hehe.

however, i cant figure out, how big is big ang how small is not big. niay tubag sa akong amigo, big - the size of the water melon small just like candle stick kanang tag piso

girls, beware!

45c4x564cv64 said...

Kadaghanan sad nga moingon nga dagko ang ila...gagmay na...ang kuyaw kadtong nagpakahilom...tahimik ngunit mapanganib...hehehehehe....

Magamay man ug madako basta binuhat na sa Ginuo...

JGG said...

heheh.. unsa na ni oi..

JGG said...

hala, dili gyod ko moingon nga dako (aron ingnon nga gamay?) di pod ko magpakahilom oi..hehehe..

Anonymous said...

mga pare, girls would know how big is big! LOL.

but then again, saon man na nimong dako kung di ka kabalo mogamit? samut nag gamay nya di pa gyud kabalo mogamit.

bitaw, as for the other five in the list...hehehehe.