Monday, 3 September 2007

Way ayo

Kasagaran nakong ipangutana sa akong mga amigo mao ang, "unsay lingaw diha bai?" o "unsay ayo diha bai?"

Kaganinang buntag naka-ingon gyod ko nga way ayo ang akong duha ka adlaw nga paglaroy-laroy. Ambot ba nga migimok man ang kagaw, gusto na pod nga itukmod ko sa kasala-anan. Aguy, mura ra ba pod ug nagpatintal akong kaugalingon, napadala ba sa tama.

Niadtong Sabado, alas nuwebe pa lang amdam nako kay manuroy mi kauban sa akong manghod sa emall. Emall among giuna kay dili man ko mokuyod nila sa SM. Sale baya saSM, daghang tawo. Di ko ganahan ug daghang tawo oi, maka-igit pa lang ko. Human sa among foodtrip, mitipas na ko, sila miadto sa SM, ako sa Mambaling. Wa say ayo didto, di sad ko molaag sa ilang Naomie, naa pa lang iyang bana, mapatyan ko. Kung wala man gani, makaingon pa lang siya nga in-love pa ko niya. Hehehe.

Mibalik ko sa emall, lingkod lingod, tan-aw tan-aw, ibog ibog. Kalaay gyod oi, naa gyod koy gipangita nga di ko kasabot. Midula ko sa World of Fun, collect atong tickets, wa pod koy plano pailisan. Para dili ko motipas sa bung-aw sa tentasyon, misakay na lang ko'g jeep, adto sa Ayala, diretso sa Punta, didto ko nag-ampo sa simbahan sa Lourdes aron intawon malamdagan ko.

Gabii na ko kauli.

Pagka-Dominggo, kaon ug pan, suyop ug juice samtang nagbasa sa Sunstar ug Inquirer, cover to cover gyod, lakip mga ads. Kadaghan sa hiring oi. Nganong ingon sila daghan pa ug walay trabaho. Ming-itom intawon akong kamot. Human sa paniudto, lakaw na sad, dula. Pero wala gihapon ko sa mood. Sige lang kamatay ako character. Kamaayong ipanukmag.

Ambot ngano, mura'g naa koy gipaabot nga tawag, pero wa gyod intawo'y mitawag. Wa gyod mi-text. Pero nganong asahan man pod nako? Naay mi-text, midaog kuno akong SIM, unya milyon man daw ang premyo. Kamaayong bunalan ug tukog sa nag text.

Kaganinang buntag, laay gyod kaayo i-trabaho. Maayo na lang nawala ra kadugayan human nako mabasa ang post ni tinood nga botbot, human sa medyo hataas nga pagbinayloay namo sa mensahe ni weng, ug human sa mga bulawanong pulong (thru IM) sa akong pinakasuod nga higala nga si Danny. Apil pa diay ang makalingaw nga post ni himantayon. Hehehe..Salamat sa tanan.

Wala na migimok ang kagaw.

Ambot lang!

5 comments:

jun.anteola said...

haha...lingaw ko ani bai! kabalo gyud ka mosulat sa? pakpak ko ani... :-)

cantilangnon said...

unsa kaha tong kagawa bai? hehehe ayo-ayo nalang. :)

batang buotan said...

@jun.anteola: salamat bai! apiirrr!!

@cantilangnon: kagaw nga ku-an.. basta gud , kitang tanan dunay kagaw.. bwahahaha..

Ambot lang!

Jeffrey said...

Keep on blogging, man! Lingaw ko sa imo blog, kay mingaw man ko sa pinulungang Cebuano!

Darlene said...

musta na Batang buutan karon pa gyud tawn ko kabalik saun man nga gikarate nako akong daan nga puter maong guba.Bitaw naay file nga corrupted daw maong dili na mugana so maayo nalang kay palangga ko ni bana abtik gyud mipalit dayun ug bag ong puter hehehehe.