Thursday, September 13, 2007

Ang alas ni Erap

Pildi ang manok ni bai Makloy. Inilog ra ba unta to. Pero ang sugarol bisan pildi, tingsi gihapon, pag-abog daw sa malas. Matod pa ni Makloy, "naa pay alas". Tong-its na sad!

Kagahapon namantsahan ug malas ang sugal sa kinabuhi ni kanhi presidente Joseph "Erap" Estrada. Gihukman siya nga sad-an sa sala nga panghabas (plunder). Apan lagi kay ang kinabuhi usa man ka sugal, bisan duna nay gipakanaog nga desisyon ang Sandiganbayan, buhi gihapon ang paglaom sa kampo ni Erap kay gihuptan pa sa kanhi presidente ang tulo ka alas.

Unang alas ni Erap mao ang iyang katungod nga mo-"file ug motion for reconsideration" sa Sandiganbayan. Sa maong motion tuki-on pag-usab ang kaso, duna bay "error of facts and evidence", o "duna bay error of law"? Kung mapamatud-an nga aduna, abswelto si Erap. Maluwas siya sa iyang unang alas. Taym pa, giayo ba'g saksak ang baraha?

Ikaduhang alas ni Erap mao ang iyang tawhanong katungod nga mo-apelar sa Korte Suprema. Ang Korte Suprema, naila nga may "credibility" ug patas sa ilang mga desisyon. Kung makunbinser ni Erap, pinaagi sa iyang mga ebidensiya nga WALA siya nanghabas ug dako nga salapi samtang naa pa siya sa puwesto, pwes, daog na siya sa pinakakulbahinam nga sugal sa iyang kinabuhi.

Ang kataposang alas ni Estrada mao ang mga tawo nga padayong nagsuporta kaniya. Naa ang iyang pamilya, naa ang iyang mga higala, ug naa ang masa (dili tanan sa masa). Bisan mabalhog na si Erap sa prisohan (Munti), naa ang iyang mga gaway nga padayon makigsugal aron lang mapamatud-an ang kapildihan ni Estrada naggumikan sa wala matarong nga pagsaksak sa baraha sa kapalaran. Kung sa manok pa, wala mataod ug tarong ang bulang. Aw, wala man napildi sa sugal, gidimalas lang karong panahona. Weather-weather lang yan!

Akong mensahi kang Erap, "sa sugal, walang kaibigan, walang kamag-anak, walang kumpare".

Wag nyo akong subukan!

Ambot lang!

2 comments:

weng said...

mao gyud wla gyud nibiya niya ang iyang pamilya ug ang iyang mga higala gawas lang ni chavit singson nga naglumotlumot gyud kai wla siya gipriso sa muntinglupa.

siguro nasuya siya kai maski napildi si erap daghan gihapon ug mga alas labi na ang iyang mga babaye nga wla gyud nibiya niya samthang si Singson nga napildi sa pagdagan pagkasenador apan wla may nihilak nga nga minilyon ka mga tawo ambot kaha nihilak ba iyang mga babaye. heheheh joke joke joke ra ni

JGG said...

ang alas ni chavit kay ang iyang mga tigre nga bayot ug tomboy. ug ang uban pa niyang mga hayop nga hilig pod ug sugal.