Friday, 21 September 2007

Never again!

September 21, 2007. Sayo nga migitib ang kahayag sa adlaw. Sa kadaghan, usa lang kini ka ordinaryong adlaw. Just another busy day! Thanks god, it's Friday! Pero adunay daghan nga naghandum sa pait nga kasinatian, 35 na ka tuig ang nakalabay.

Si Bro. Karl Gaspar, CSsR, makahinumdom gyod karong adlawa. Usa lamang siya sa liboan ka mga Filipino nga biktima sa pagpangyatak sa tawhanong katungod panahon sa Martial Law.

Flashback:
September 21, 1972. Gipirmahan ni kanhi pangulong Ferdinand E. Marcos ang Proclamation No. 1081 (Proclaiming a state of martial law in the Philippines) nga opisyal nga natapos niadtong January 17, 1981 (Proclamation 2045). Ang Proclamation No. 1081 nagtumong kuno lang sa kinatibuk-ang kahusay ug kalinaw sa Republika sa Pilipinas ug aron masumpo ang paglipang sa mga "lawless" elements kuno.

Usa kato ka ngi-ob nga bahin sa atong kasaysayan. Nasinati kaniadto ang grabe nga pagpangyatak sa tawhanong katungod, torture, ug ang pagpatay. Sa panahon sa martial law, giwala ang katungod sa katawhan nga makahibalo ug ang katungod nga mosulti sa kamatuoran.

35 years after:
Para nimo, unsa ang kalambuan nga atong nasinati karon? Ana pa ba ang pagpanlupig? Anaa pa ba ang pagpangyatak sa tawhanong katungod? Anaa tingali apan dili ingon ka-grabe. Ang importante, magkahiusa kitang tanan nga mo-ingon. NEVER AGAIN!

Ambot lang!

3 comments:

iamsorceress said...

NEVER AGAIN!

Dili man gyud mawala ang pagpangyatak sa tawhanong katungod. Apan tungod kay nahigmata na man ta ug nakat-on na man ta sa atong mga naagi-an na, di na kaayo ing-ato ka-grabe. Sakto ba? O mao lang ni ang atong nahibaw-an?

Pero unta mamahimong tinuod nga sumbanan ang mga maayong nahimo sa mga tawong mibatok kang kanhi Pres. Marcos kani-adto, natong tanan karon.

batang buotan said...

@iamsorceress: miuyon ko sa imong giingon nga dili mawala ang pagpangyatak sa tawhanong katungod, gani usahay mismo amahan, anak, inahan o uban pang mga kadugo mao man mismo ang muyatak sa katungod sa uban. apan ang "level" dili susama sa panahon sa mga kastila, sa panahon martial law..

sa akong tan-aw, nahigmata na ang kadaghan apan naa lang gihapon ang wala nagpakabana.. bisan pa niini angay gihapon kining ikalipay sa tanan (nga nakat-on na kita sa mga "hagit" sa kasaysayan.

iamsorceress said...

korek ka jan! hehe. ana man gyud nang tawo pero sama sa imong giingon, at least lahi na tag level ron, kung si rufa mae pa, ibang level na to! :p