Wednesday, 12 September 2007

CRIMINAL CASE NO. 26558 (Plunder)

"Public Office is a public trust. Public officers and employees must at all times be accountable to the people, serve them with utmost responsibility, integrity, loyalty and efficiency, act with patriotism and justice and lead modest lives.”

Gipagawas na ang hukom. Napamatud-an sa korte nga sad-an si kanhi presidente Joseph Estrada sa sala nga "plunder" (pagkawat; panghabas)!

Sayo pa niini, hugot nga gipamugos ni Estrada nga ang "pasangil" batok kaniya "politically motivated". Ug isip reaksiyon sa resulta sa survey nga gihimo sa SWS, siya miingon nga ang mga katawhan nga mismo ang mihukum nga siya walay sala.

Sa wala pa ang desisyon, daghang migawas nga mga "speculation" nga kuno hukman gyod nga guilty si Estrada kay kung dili, mamahimo unyang illegal ang pangpuli'g lingkod ni Gloria Arroyo isip presidente kaniadto. Dunay miingon nga hukman gyod nga sad-an si Estrada kay aron dili maulawan ang nasod.

Sa laing bahin, duna sab nag-ingon nga kinahanglang hukman nga walay sala si Estrada kay daghan sa mga tawo (based on survey?) nagtuo man nga inosente ang kanhi presidente. Dunay midugang nga kinahanglang hukman nga walay sala si Estrada aron maundang na ang gera sa politika sa nasod.

Ang gipagawas nga hukom sa Sandiganbayan maoy mitapos sa tanang "speculation". Sa hukom, siguradong dunay nalipay, ug naa sab ang naguol ug nasuko. Pero unsa man ang reaksiyon sa uban, ang importante, mitumaw ang hustisya.

Angay usab nga timan-an sa tanan nga ang hustisya wala nagbase sa mga opinyon sa katawhan o sa kinabag-an. Ang hustisya nagbase kini sa ebidensiya. Ug kay ang Sandiganbayan mihukom man base sa ebidensiya, maingon nato nga patas ra ang atong "justice system".

Natapos na! Natapos na sab unta ang panagbangi ug panagbingkil sa politika pinaagi sa pagdawat sa kamatuoran. Magpinasayloay na unta ang tanan aron magpatigbabaw ang kalinaw sa atong nasod.

Niay paborito nako nga panultihon bahin sa hustisya. Justice without force is powerless; force without justice is tyrannical. (Blaise Pascal)

Ambot lang!


Links:
Memorandum for the accused Pres. Estrada
Sandiganbayan

6 comments:

cantilangnon said...

murag wa pa mahuman kay nagfile pa man ug "appeal" sa korte suprema, basin mabali pa nuon ang hukom, maayo unta dili na "life sentence" kato na imong giingun nga ipadala sa Mt. Malindang. hehehehe.

batang buotan said...

@cantilangnon: ok ra daw niya nga dal-on siya sa mt. malindang basta mahuman na ang away ni pacman, dako man daw siya ug sugal..hehe

weng said...

Justice requires that to lawfully constituted Authority there be given that respect and obedience which is its due; that the laws which are made shall be in wise conformity with the common good; and that, as a matter of conscience all men shall render obedience to these laws.
--Pope Pius XI

batang buotan said...

@weng: thank you for sharing this..

Darlene said...

Wakoy ikasulti bahin ni erap kay wala mana sya kaila nako so dili lang ko muusik sa akong laway ug pagbatbat kung unsa siya nga pagkatawo kay wa sad ko kaila niya kung unsa gyud iyang tinud anay nga color.Anyway,kung sad-an gyud siya silot gyud pero kung dili aw politika na poy gapadagan ana kasamok na gyud sa pinas woi maong maluoy lang ko sa mga tawo intawng naipit sa mga kabuang sa gobyerno ba sama sa mga inosenteng mga pilipino sama nimo batang buutan hehehehe

batang buotan said...

@Darlene:Miuyon ko sa imong gisulti nga "luoy" ang mga tawo nga napiit sa mga pipila ka irresponsableng nagpadagan sa gobyerno. Mas makaloluoy ang mga bata nga naapektuhan pag-ayo. Oo, tinuod nga buhi ang mga bata sa Pilipinas (dili kaayo taas ang mortality rate compared to other countries) apan aduna bay "assurance" nga ilang makuha ang kalidad nga edukasyon ug de-kalidad nga helath ang social services? Kana unta ang tan-awon sa matag leader kay naa baya pod silay anak. Ang nahitabo kang Erap nalarawan nga kasaligan naa pa ang justice system sa nasod, ug walay giila ang balaod.