Monday, 24 September 2007

Pagminyo na!

"Pagminyo na bai!" Mao ni ang kanunay nakong madungog gikan kang Danny, ang akong suod nga higala. Ambot nganong apurado man kaayo siya nga maminyo ko. Karon nga napakyas na sab ko sa akong gugma, wala una mi naghisgot ug kaminyoon.

Gipaambit sab ni sir Johnny nako ang iyang kasinatian sa kaminyoon. Matod pa niya, ang iyang kaminyoon sa babaye nga iyang gihigugma maoy nakapabag-o kaniya. Gani sukad nga siya naminyo, gitalikdan na man gyod niya ang tanan niyang bisyo. Iyang kadtong gisulti aron makuhaan nako ug basehan kay possible kuno nga mabuotan na unya ko kung magminyo na. Nakadayeg ko sa iyang punto apan bisan wala pa ko naminyo, naundangan baya nako ang uban nakong bisyo. Kay para nako dili man ang babaye ang makapausab sa lalake. Ang lalake mismo nga buot mag-usab maoy nakapa-usab sa iyang kaugalingon.

Laing suod nakong higala si Junjun, nakauyon gyod sa iyang kamiyoon. Kaniadto, mao mao ra mi ug lawas, apan paglabay sa pila ka bulan, midako man iyang lawas. Niadtong Abril, pag-uli nako sa Mindanao, extra large na iyang t-shirt samtang nagpabilin nga medium ang akong gisul-ob. Matod pa niya, basta manabok pod kuno ko kung maminyo na kay naa nay asawa nga mag-atiman.

Magminyo kaha ko no. Wala lang curious lang.

Tsk. Pero dili ingon niana ang akong panlantaw. Magminyo ko pag-abot sa saktong panahon. Magminyo ba ko tungod kay dako na ko ug edad? Dili ko kombinsido sa maong rason. Magminyo ko aron mabuotan ug aron motambok? Dili nako madawat ang maong panghunahuna.

Minyo man ko karon o dili, dili kana importante kay ang mas importante mao nga malipayon ko karon. Just for today.

Ang babaye dili psychologist nga makapa-usab sa behavior sa lalake; labaw nga dili sila nutritionist nga makapahimsog sa lalake; apan ang mga babaye (opinyon ra ni nako) mga physicist, "they can convert potential energy to kinetic energy"; oi, ang mga lalake physicist sab, they know when to apply Newton's third law of motion. PHYSICS RULES!

Ambot lang!

8 comments:

weng said...

you are exactly right

women don't change men, its men who chose to change, to renew, so ngano adto man sa asawa ipasa ang reasons nga na usab sila tungod sa babaye would that mean nga men do not have the will, the freedom to decide sa ilang kaugalingon? kuyaw kai na kung mao man gani na. di ko mosugot mamamna ug wlay kaugalingon baruganan kanang mag agad lang sa sulti sa asawa o sa gusto sa asawa nga mahitabo.

labaw na nga dili sab dapat mag usab ang babaye tungod lang sa mando sa bana.

mag-usab ang tawo tungod kai para niya mao na ang sakto, tungod kai gusto siyang mo lambo sa iyang kaugalingon, mag usab ang tawo tungod kai gusto siya nga mo lambo ang relasyon.

tinud-anay ba ang pag-usab kung ang hinungdan laing tawo isn't that you are just pleasing the other person? its good to be true so if u want to change make sure its your own choice

iamsorceress said...

tumpak! i always say that while jerry maguire's you-complete-me line has a huge kilig factor, the truth of the matter is, no one completes you.

and most failed relationships fail because of the belief that the partner can complete the other.

i wrote about the top 5 mistakes that women make in relationships based on my personal experiences and those told to me by friends. and ako gyud gi-apil ngadto nga i-settle sa gyud nang personal issues before magsulod-sulod ug relasyon. lisud nang daghan kag issues in life nya sulod kag laing issue. you'll get messed up. and things will get mixed up. unfair sa tanang parties involved.

hay life.

magminyo na lang ta na! hahahaha.

OBRAMAESTRA said...

Tinuod kana nga dili ang babaye ang makapausab sa usa ka tawo. Apan timan-i baya nga ang gugma mao ang makapausab sa usa ka tawo. Dili ba dunay giingon nga Love can move mountains...sumala pa bisan ang bukid kon imong singgitan nga 'Balhin!" mobalhin kini tungod sa gugma.

Bisan unsaon pa sa pagpangulipas nga dili mausab...mausab gaytud ang tawo tungod og alang sa iyang minahal kana gumikan sa imong gugma.
Ngadto ni Weng...vice-versa ra ni...ang pag-uab dili tungod sa lalaki o sa babaye kana tungod sa gugma. Ang pag-usab man gud dili tinuyo. Ang buot ipasabot nga ang kausaban nga tinukmod sa gugma wala kana nimo planoha. Kalit lamang kini nga moabot og matingala ka na lamang nganong aduna kay nahimong kausaban--kana tungod sa gugma.

Kon ang usa ka tawo mag-usab tungod ra usab sa usa ka tawo...dili kana molungtad kay sa kapulihay moabot ra gihapon ang tinuod niya nga bulok. Apan kon ang kausaban tinukmod sa gugma segurado ako nga dili plastic ang imong kausaban.

Apan ang pangutana mao kini: Kanus-a pa kaha ako mausab tungod sa gugma? Mao lagi ni wala pa man sad gud ko maminyo....hehehehe...

batang buotan said...

@weng: salamat sa pagpaambit sa imong bulawanong hunahuna. nasabtan nako ang imong punto bahin sa kausaban sa usa ka tawo.

@iamsorceress: daghan kaayong salamat! sa imong giingon nga, settle sa gyud nang personal issues before magsulod-sulod ug relasyon maoy misuporta ug nakapalig-on sa akong desisyon nga ipadaplin una ang kaminyoon kay dili pa paigo ang akong gugma alang sa usa ka lig-on nga pamilya nga ako unyang tukuron.

well said iamsorceress!!

@obramaestra: nep, akong gipamalandongaon ug makadiyot ang imong giingon nga ang gugma ang makapa-usab sa tawo. tinuod. ug mahimo kini sa usa ka tinood nga gugma.

ako sab mangutana sa imong gipangutana, kanus-a man sab ko mausab tungod sa gugma? hehehe

ambot lang!

salamat sa inyong gipaambit!

weng said...

Hello Nep:
you are right love can change a person, it is a fact ug dili na siya malalis. that is why mao na siya ang gi emphasize ni Mother Theresa nga love can change the lives of people, however the whole world in in crisis of POVERTY OF LOVE

Darlene said...

Oist tinuod baya na imong gisulti pero ang babaye sa kinabuhi batang buutan inspirasyon gyud na sa kinabuhi sama lang pod ninyo mga lalaki inspirasyon sad mo sa kinabuhi sa mga babae.Bitaw ang mga babae man gud permi mupahimangno sa mga lalaki kung nagbisyo ma inspired man pod ka nga biyaan ang imong ubang dautang bisyo kung naay gapangga nimo labi na ug maminyo naka unya magkabunga inyong panag higugmaay.Nindot gyud ang feeling bisan pa man usahay naa gyud paang bingkil pero dili man gyud na malikayan kay panakot man gyud na sa kinabuhing minyo.Naa nalang na sa inyong managtiayon kung unsaon ninyo pagsulbad.Pagminyo na hala!lol~

batang buotan said...

@Darlene: mas gusto nakong paminawon nga inspired man pod ka nga biyaan ang imong ubang dautang bisyo kung naay gapangga nimo labi na ug maminyo naka unya magkabunga inyong panag higugmaay. Salamat!

iamsorceress said...

di gyud ko agree nga people can change other people. samut na nga di ko agree nga love can change people. money nuon. but love? no. besides, if you want to become a better person, imo na nga choice and it's not fair to attribute it to your partner. kay if you get worse, it's coz of your partner sad? di ba, di man ka muingon ana?

ingon sila, a relationship kuno brings out the best and worst in a person. but i don't buy that. kung naa gyud ka anang batasana, naa na na daan, na-trigger lang na and it so happens nga naa lang ang other person at the time nga mituyok imong kinabuhi.

love is a decision. you decide to love somebody, stick with that person, marry that person or just leave. in the same manner, you also decide whether you want to quit drinking, or gambling or smoking. i've seen so many guys quit drinking and smoking because their girlfriends don't like it. while good na sya kay it is good for yourself, in the long run, mugawas man gud na nga napugos ka, and that's when tago-tago and kawat-kawat nga pag-smoke and drink occurs. away dayon coz sakpan, and then starts the never ending wheel of saying sorry, doing things again, saying sorry and all that crap.

basta. mao na na. hehehehe. sensya, gayawyaw ko. adto na lang ta kos akong blog magyawyaw sa? sige. unya. :D