Friday, September 28, 2007

Serendipity

Sa Oktobre pa mahitabo ang dakong pista sa akong kinabuhi. Tunong pod sa Octoberfest no? Pagkataas na sa akong listahan para sa mga rason nganong angay ko nga magmaya karon Oktobre. Oi, si bai Ramses, magmaya o maghimaya (unsay sakto bai?) pod diay karong Oktobre 9. Pero lahi ning akoang angay ikalipay sa Oktobre.

Apan nagsingabot pa lang gani ang Oktobre daghan na man kaayong kalipay nga miabot inubanan sa pinong kusnot nga kinahanglang atubangon.

Unahon gyod nako pagsaysay ang pagkakaplag nako'g balik sa pinakasuod nga mujer sa akong kinabuhi panahon akong pagtungha.

Introducing, Mikay!

Salamat sa Friendster kay human ang halos tunga sa dekada nga wa miy contact, sa kataposan nadungog nako pagbalik ang iyang tingog bisan sa telepono lang kami nagkaestorya. Tua na siya karon sa kaulohan, malipayong nanimuyo uban ang iyang pamilya. Mura'g gahapon ra man tong, gibantayan ko ni Mikay sa hospital, katong ngalingaw lingaw mi sa Rose beach ug sa ilang Welhelm uban ang mga buotan namong boardmates. Dako kaayo ang akong kalipay karon. Flashback!

Bisan dili pa mi magkita sa pagkakaron apan sa hilom naglaom ko nga usa ka adlaw magkakita ra gyod mi.

Nakaplagan sab nako si Randy. Dako baya gyod ko'g utang kabubut-on ni Dong Randy kay misugot siya nga modala sa papel ni Maldo sa stageplay nga Babae Sa Bubungang Lata nga gipasundayag namo sa MIT. Maayo kaayo si Randy, nahimong gyod nga best actor ug kay ang nagdala pod sa papel nga Toying, best actress man sab, siyempre na best director intawon ko (tikalon gid bala). Sir Ruly, nganong wala man na best play ang Babae Sa Bubungang Lata? (ambisyoso pod ko oi. hehe). Hilig na gyod diay ko'g Rated R kaniadto pa, wala lang nako namatngoni. Rated R baya ning Babae Sa Bubungang Lata, gihimuan man gani to'g salida sa pag-uso sa hubo-hubo sa kasaysayan sa pelikulang Filipino. Ang research paper pod nako sa college bahin man sab sa mga sexually explicit films.

Bag-ohay pa lang sab nasaag pod sa akong Friendster profile si Maymay, kanhi classmate sa Mahayag Central School ug sa SMGC. Sobra na napulo ka tuig nga wala mi nagkita. Karon, maka chat na intawon mi.

Labaw sa tanan sa Frienster pod nako nahimalag ang babayeng unang nakapapitik sa akong kasing kasing. Nagpabilin pa gihapon siyang dalaga. Hala ulitawo pa man ko. Hehe.

Gawas sa akong pamilya, wala na koy lain nga ikapasigarbo pa ning kalibutana kundili ang mga suod ug tinood ko nga mga higala. Gani dinhi sa kalibutan sa mga bloggers nahimalag man sab nako ang mga blogger nga akong giisip nga tinuod nga higala bisan pa man wala pa nako sila nakita sa personal, sama ni bai Ramses, Donya Eutikya, Darlene, Online Editor, Boredmate. Higala na man nako si bai Nep, taym pa, nagkita na ba ta bai? Hehehe.. Nangopya man gani ko
nimo sauna sa? Asa na man imong sibot? Si weng ang winner sa mga bag-o nakong kaplag nga amiga siyempre pa ang akong anghel**.

Nahinuktukan nako ba, kung ang akong kinabuhi usa ka sugilanon mura lagi ug naa na ko sa denouement. Sa dagan sa estorya mura'g happy ending man pero dili kaha tragic ang ending? Climax na gyod sa Oktobre!

Ambot lang!

11 comments:

mikay said...

A million thanks to you....I am very happy now for what i have read in your column!you can expect me through this we can communicate regularly...
thanks for being a good friend all these years.....

Utah Mommy said...

I am very happy that you considered me as one of your million friends in the world.My pleasure to be your friends Batang buutan,i can just see how you post every entry you have that you are good person.Godbless & cheers for our friendship!

45c4x564cv64 said...

salamat bay nga wala pa diay ka malimot sa akong sibot sa magic...hehehe...bitaw daw kagahapon ra man to no...tuod diay ang babayeng nakapapitik sa imong kasingkasing dalaga pa tua man sa ...eheem...layo mi-abroad man...tisimoso ra kaayo ko! heheheh.....

Anonymous said...

cheers to friendster.

taymsa, unsay naa sa oktubre, batang buots other than oktoberfest?

weng said...

maayong buntag......hala kilig jud ko ai sa imo gi.ingon diri....dapt jud ka magmaya og maghimaya karong Octobre ug sa magagi pa nga mga buwn og tuig....bisag naay mga problema along the way....God,s blessings are countless than those....GOD BLESS YOU

ley7ed said...

hello again, mao d i nga dili akong name nigawas ganiha sa comment sa akong ate kay wala pa d i ko ni.sign in. na.unsa maning kalakiha oi.... sa gika.ingon ko na dapat jud ka magsadya kay nakaplagan na jud nimo ang imong mga close og ing.non ta nga mga special friends jud..... ayaw ra sa Octobre, ipadayon ang pagsadya og pagmaya.....GOD BLESS YOU

weng said...

hehehehhe bitaw kuya pista gyud sa imong kinabuhi karong buwana ..... ug i believe nga daghan kai ka ug blessings nga madawat this month ...diba dili man gyud ending sa story ang denouement? close to ending hinoun ni siya nga part......daghan kai ko ug stories nga nabasahan nga walay ending kai gusto sa writers nga ang readers na ang mohimo ug ending. That means kuya you can either choose to end your story with a happy or tragic ending.Pero i believe that you would prefer to end your story with a happy ending. I know you are going to choose joy rather than tragedy.

(ikaw sab kuya ur an angel to your friends and to me) padayon lang gyud ayaw lang ug give up! i value all the life changing and important messages that i received from you,indeed your an angel. thank you so much kuya.

MICHAEL MEDINA said...

bay, salamat sa imong email. salamat sad kaayo sa pagtagad nako isip usa ka suud nga higala bisan tuod ug wala pa kita nagkakaita sa personal. Sa ginaingon pa ni Cindy Lew, "Remember, the greatest gift is not found in a store nor under a tree, but in the hearts of true friends." Bulahan kadtong adunay daghang amigo kay malipayon siya hangtod sa pagkatigulang. Akong nakita kanimo bay ang usa ka matinud-anon nga higala. Ikaw tingali ang gi-ehemplo ni Ralph Waldo Emerson sa dihang misulti siya: "The only way to have a friend is to be one." Ania, ibilin ko sa imong blog kining panultihon nga lain: "Some people come into our lives and quickly go. Some stay for awhile and leave footprints on our hearts. And we are never, ever the same." Alang usab kana sa tanan nga nahimong kong higala sulod sa internet.Kaninyo mga bisgam ug bisdak.Salamat sa friendship woi...

JGG said...

Salamat sa tanan!

To mikay ,salamat pod kaayo. Mingaw na kaayo ko nimo. Sama sa pagbalik balik ug bisita sa ilang manaang charlene ug nang ingga, balik balik nya ning simple nga payag sa batang buotan (tiguwang na man ko mikay.. heheh).

Darlene: salamat pod kaayo sa gasa sa panaghigala.. and thanks for believing that im a good person.

obramaestra: kinsa bay makalimot sa sibot? hehehe.. ikaw ha, kabalo pod diay ka ato.. ahem.. naa na man pod daw siya love didto..

ley7ed: salamat ma'am! hehehe..padayon na ang celebration oi..

weng: salamat pod weng.. of course sa kalipay gyod.. hehe

online editor: salamat kaayo bai sa mga inspirign words nga imong gibilin..daghan kaayo ko'g nakat-onan nimo bai.. i learn from the mistakes of two young man and woman inside the cubicle in ozamiz.. hehehe.. we both know what i mean.. ambot lang!

Special ni para kang bai ramses nga wala katingog.. hehehe.. wala na koy masulti nga daghan bai kundili salamat!

diri ra ko taman, pahuway sa ta parts!

Eutikya said...

para sa ako way gipili na bulan ang kalipay! hahaha.. malipayon man ko everyday.. ai.. as mush as possible gusto ko magmalipayon everyday.. kay sus.. perting mobua sa kinabuhi to dwell on the bad and the sad side of it..hehe sakto ba ni?wrong grammar man tingali! nyahahahaha

salamat sad diay kay na starring ko ani na post.. salamat sad sa friendship though wa pa jud tawon ta nagkita sa personal.. pero ok ra japon..hehe.. magkita raman jud ta bah.. kung di lang mongitngit kay di man ko makita kung way hayag! weeeee

JGG said...

@tikya: salamat pod. hehehe.. magkita ra unya ta..