Friday, September 28, 2007

I'll be home

Miyembro na sa senior citizen ang akong Nanay ug Tatay. Niadtong miaging semana mibisita sa Sugbo ang pinalangga kong inahan ug iyang gipakita ang iyang senior citizen ID card. Samtang nagsud-ong ko sa iyang hulagway sa maong identification card, mura'g gikumot ang akong kasing-kasing. Mura ba'g naluoy ko nga naghunahuna nga tiguwang na intawon ang akong mga ginikanan.

Mura'g kanhiay pa man to, gagmay pa mi nga managsuon, malipayong nagdula, nagsinungogay, nagkinataw-anay, nagtinabangay sa mga gimbuhaton sa balay - matag usa may assigned tasks. Mura'g kanhiay pa lang batan-on pa nga tan-awon ang akong Nanay ug Tatay. Karon maklaro na ang mga badlis sa paglabay sa kapanahunan. Ang kanhing itom nga buhok nasagulan na ug mga lugas sa puting hibla. Senior citizen na gyod sila.

Dili na susama kaniadto nga maglanoglanog ang among tingog samtang magdula, ang among balay karon didto sa Mahayag, mingaw na. Apan dili nako masulti nga wala ang kalipay kay nasayod ko nga bisan sa kalisod ug kapit-os sa kinabuhi anaa ang kalipay sa among ginikanan - kami nga ilang mga anak nga bisan layo na ug duna nay kaugalingong pamilya.

Sa paghuna-huna ko niini, mura'g gituslok sa konsinsiya ang akong kasingkasing kay mura'g kanhiay pa lang mitulo ang daghan luha sa akong mga ginikanan tungod sa akong gibuhat. Unang higayon nga nakita nako ang akong Nanay ug Tatay mga mihilak sa hilabihan sa dihang milakaw na ang akong magulang nga babaye kuyog sa iyang bana human sa ilang kasal. Una nakong igsoon nga gikasal. Didto sila sa kwarto, mihilak, gibati nila ang grabeng kamingaw - sama sa kamingaw sa langgam nga gibiyaan sa iyang piso. Sa ikaduhang higayon, nakita ko sila nga hilabihang pagdagayday sa luha ug hilom lang nga nagsud-ong kanako. Pagkadako sa akong sala! Karon, bisan pa ug molutaw ning keyboard ug mouse sa akong luha, dili makabugti sa kasakit nga gihatag nako nila. Mas lawom ang dulot sa sakit sa giisip nila nga buotang anak. Kay bisan sa hunahuna wala sila magtoo nga ako ang krus sa pamilya.

Tigulang na sila ug dili na angay nga pasakitan. Wala ako sa ilang kiliran aron sila amumahon bugti sa ilang pag-amuma ug grabeng sakripisyo kanako.

Nasayod ko nga napasaylo na ko nila. Apan ang konsiyensa nagpabilin sa kinauyukan s akong pagkatawo. Gani human sa akong nabuhat, anaa na ang kataha ug kaulaw nako sa akogn mga ginikanan. Dili na tingali kini mawala.

Pila na ba ka higayon nga giampo ko sa nailhan kong Diyos nga mahanaw na lang ko ning kalibutana tungod kay gibati nako nga ang akong presensiya maoy makapadako sa samad nga giantus sa pamilya. Apan gikumbinsir ko ang akong kaugalingon nga nasayop ko sa akong pagtoo ug akong gituhuan nga ang padayon kong pagpakabuhi ngahatag kanila ug kalipay.

Kung may gahom ako sa pagpahunong sa pagdagan sa panahon, buhaton ko kini.

Pila na lang ka dekada, mahimo na pod akong senior citizen. Apan pila na lang ka takna, mamahimong manamili na ko ning kalibutan, kanang tanan nag-agad lamang sa kabubut-on sa Kahitas-an.

Mura'g dili na ko makahulat nga sa ikaduang higayon mangayo ko ug pasaylo nilang duha. Dili ko makasiguro nga mahimo ko kini. Mabungat ko kaha ang mga pulong? Apan kung dili ko kini mabuhat, padayon akong pagpas-an sa bug-at kasal-anan.

Ambot lang!

13 comments:

Utah Mommy said...

Makahilak man sad ta nimog tagok batang buutan woi.Unsa man diay imong sala nila dong?
Bitaw sa tinud anay lang noh bisan unsa pa ka bug at ang sala sa anak mapasaylo gyud sa mga ginikanan,Mao sad na gibuhat sa ginoo natong mga hinimo NIYA.Bisan unsa pa ta ka makakasasala sa iyang mata andam gihapon sya muangkon sa silut sa iyang mga tawo.That's what the parents will do enable to save their children.

weng said...

spiritual need is often our heart's greatest desire, i believe that you have been doing some inner housecleaning. You are exactly right just before you could utter those words of apology napasaylo naka sa imong family.

GOD WILL GIVE U ALL THAT YOU NEED IN HIS PERFECT TIME AND WAY.

(your family's greatest suffering is actually their greatest blessing)

YOU ARE A BLESSING
CHEER UP KUYA!!!

MICHAEL MEDINA said...

bay, nindot ka himuong pari dinhi sa among parokya, murag makadani imong wali.hehehe. ingon lagi sa panultihon ni La Rochefoucauld, "Old people like to give good advice, as solace for no longer being able to
provide bad examples." tinuod kaayo imong gipanulti, old age is inevitable, pero ayaw unta kalimot, " It is not the years in your life, but the life in your years that counts," matod pa ni Adlai Stevenson. hinaot sud-ungon sad sa mga ka-edad nato kini: "If we spent as much time feeling positive about getting older, as we do trying to stay young, how much different our lives would be." gikan kana ni Rob Brown.kang martin luther sad: "It would be a good thing if young people were wise, and old people were
strong, but God has arranged things better. " remember, You're only young once, but you can be immature forever. " timbaya ni John Greier. mabuhay ang malayang pamamahayag!

JGG said...

@ darlene: salamat kaayo sa bulawanon mong pulong. pastilan kining sala nako dako pa kay sa balod sa siargao... hehehe. your words inspire me..

@weng: salamat pod kaayo. kabalo man ko nga napasaylo na ko nila pero dili gyod mawala lagi ning gibati nakong konsensiya..

girlfromdipolog said...

oi dong, unsa man diay na imong dakong kasal-anan gud? maintriga man sad ta. grabeha pod ka murag bug-at ato oi. sige na, para tabangan ka namog pas-an.

JGG said...

@Online Editor: bai, angayan diay ko magpari? hehehe. pwede pod. salamat sa mga bug-at nga mga pulong nga makahatag ug kahayag sa mga dulom nga eskina sa akong kinabuhi.. ehhehe.. ambot lang

JGG said...

@gfd: salamat kaayo sa concern. dili man pwede mabutyag sa kahanginan oi. hehehe.. pero bisan pa man, salamt kay at least napahungaw nako ug at least nabati nako nga naay mibati kanako.. hehehe

45c4x564cv64 said...

kanang imong sala angay gyud nimo na nga ipangayo og pasaylo sa imong mga ginikanan samtang makabati pa sila. Tinuod gipasaylo ka na nila apan nakasulti ka ba ngadto kanila nga nagbasol ug naghinulsol ka sa imong nabuhat. Ayaw paabota ang panahon nga bisan unsaon mo sa pagsinggit sa pagpangayo og pasaylo dili kana nila madungog!

JGG said...

@obramaestra: bai Nep, well taken. bitaw oi. unsaon nako ni. nakapangayo man kog pasaylo sa sulat lang pero dili pa gyod to paigo para nako. ako gyod nang buhaton lagi. wa ko kasabot. nakaako ko ug yawyaw dinhi pero in person lisod gyod kaayo, para lang nako.

mikay said...

hi friend....ganyan talaga buhay!but remeber gano man kalaki ang kasalanan natin tayo ay pinatawad na nya!tayo lng kc masyado tayong paranoid...Trust HIM fully!

Anonymous said...

di man nimo kinahanglang ug mga pulong aron makapangayo kag pasaylo sa imong mga ginikanan, bai. sa bisan unsang paagi nga imo mapakita nila nga sa tinuoray gabasol kas imong nabuhat ug nangayo kag pasaylo, mapasaylo ra ka. ang ginikanan, maski unsa pa ka sipat ang anak, panggaon gihapon hangtud sa kahangturan, amen.

pero ang mas importante, sa di pa ka mangayo ug pasaylo sa uban, maski imo pa nang ginikanan, pasaylo-a sa ang imong kaugalingon. kay kung ikaw mismo, gasige ug basol ug dagmal sa imong kaugalingon tungod nianang salaa, maski kapila ka pa mangayog pasaylo, ug kapila pa ka pasayluon, di gyud gihapon ka mahiluna.

be kinder to yourself. dili tanang kapalpakan sa atong kinabuhi sala nato ug bisan kung sala man gani nato, it's no use going back and getting frustrated at not being able to go back. you're at the proverbial crossroads of your life. the best way to move is forward, not back.

hala bai, ayo-ayo.

ley7ed said...

hi...karon pa jud ko kabasa ani dah. na.touch jud ko ai labi na nga himi kaayo ko....kon imo man sila napasakitan dili na nimo mabalik ang tanan...pero nasayud pud sila nga imo jud tong gimahayan og dako...sila ang imong ginikanan og mas naka.ila sila nimo kay sila ang naghulma kanimo. Kon imo mng napakita sa among mga buhat nga nag.usab kana, ila kanang nakita...pero sakto ka sa imong gi.ingon nga kon imo jung batbaton ang pulong sa pagpangayog pasaylo sa ilang atubangan, mas mogaan imong pamati, ang ilang pamati, og mahanaw ning dakong ali nga nagpatunga nimo og sa imong mga ginikanan....kaya mo yan...mao ni ang usa sa challenge sa imng kinabuhi nga kinahanglan imong mabuhat....GOD BLESS YOU AND YOUR FAMILY

Eutikya said...

hala ui.. unsa man diay imong sala? perti jud diay`ng bug-ata ana? tabangan ka namo ug alsa beh aron mogaan-gaan!

ayaw kabalaka anang matiguwang na kunuhay ta ui.. we never grow old.. we grow up.. :)