Tuesday, October 2, 2007

Ukay-ukay

Naay iro nga isog, naay iro nga hakog, dunay iro nga buotan. Daghan man ganahan ug iro. Naa sab mahadlok sa iro. Pero matod pa sa akong lolo, ang iro mag-iniro; ang tawo kinahanlang dili mosunod sa taras sa iro. Niadtong miaging adlaw, dunay pipila ka iro ang nag-ilogay sa basura nga gikalkal nila daplin sa karsada. Pagkaisog sa usa ka bayeng iro. Naa say nagpa-itoy itoy. Naa sab nagtan-aw lang. Mura'g naghulat kanus-a mahuman ang kumbati aron tingali mao na sab ang moukay sa basura.

Pero dili baya iro akong hisgutan. Dili sab ni kabahin sa mga gikahadlokan ni Sen. Miriam. Bahin kini sa personal nako nga gikahadlokan ug gikabalak-an pag-ayo. Ako man gong nabantayan nga mura ug dunay nausik nga panahon ang senado sa sige na lang ug imbistigar sa mga anomaliya sa gobyerno. Wala man koy supak sa pagpagawas sa kamatuoran. Gusto gani nako nga itaral sa bilanggoan ang mga nagbuling buling sa atong gobyerno pero ang buot nako mao nga kinahanglan dalhon kini sa "proper forum" - sa korte. Ang nahitabo man gud kung diha sa senado dalhon, mahimo mang "carnaval" ug tataw kaayo nga "personal agenda" lang sa ubang senador ang magpatigbabaw.

Si Noy Nene Pimentel bitaw (my apologies, good senator), klaro kaayo nga personal nga atake ang iyang mga pangutana kang Chairman Abalos. Nasuko gyod siya nga napildi iyang anak? Kay kung nakadaog unta si Koko Pimentel, duha na unta sila sa senado. Traditional politics.

Sa dihang nahimong chairperson sa blue ribbon committee sa senado si Peter Cayetano, nakulbaan ko kay basin unya magsige na lang ug imbistigar. Tuod man. Taym pa pila ka Cayetano ang lawmaker sa Pilipinas? Si Pia, si Peter, ug ang iyang asawa. Naay iro nga dili makontento ug usa lang ka bukog.

Taym pa, sa gikaingon ko na, dili dautan ang imbestigasyon labi na kung kini gamiton sa pagpanday sa balaod pero kung sa mga dautang laraw lang pod sa mga politiko, wa nay nada. Matod pa sa akong lolo, ang mga iro, mag-ilog gyod sa basura. Kay ngano? Bulawan ba diay ang bukog nga ialng ilogan? Dili bulawan, gamhanan. Gahom ang giilogan!

Ang mas lawom nga hinungdan sa mga imbistigasyon dili baya aron mapagawas ang kamatuoran ug masulbad ang kahiwian. Ang hinungdan mao ang dakong gusto sa uban nga malumpag ang kasamtangang administrasyon. Ug aron sila na sab ang mopuli'g hupot sa gahom. Kining ubang opisyal gani dili man makadawat sa pagtaas sa economic indicators, dili sila makadawat nga miuswag ug gamay ang ekonomiya sa nasod kay lagi dili sila gusto nga daygon ang uban.

Ang iro, magpaka-iro. Ang mga senador, dapat maghimo ug balaod alang sa kalambuan sa mga anak ni Noy Juan. Recess sa daw mo sa political prosecution. Kung naa untay kaso idirtso sa korte, mao man ang angay kay kung iagi sa senado, pasikat lang ang uban. Basin mahuman na lang ang session walay balaod nahimo.

Ambot lang!

11 comments:

Anonymous said...

abi nako unsang ukay-ukay to bai. :) bitaw, tinuod na, mahurot ra nang ila termino, sige lag "probe-probe", "in aide of legislation". wa ko kadumdom sa miaging congress, naay ila napasa nga balaud gikan sa kanang ila pag-imbestiga. hahay

Anonymous said...

hahay, nobody says it better than you. pakpak na pod ko ani nga post ay!

tinood gyud kaayo imong obserbasyon... dakong oras ang nasayang, daghang tawo ang gustong magpalapad ug papel, way laing napa klaro sa atoa kundi ang mga personalidad nga 'hayok' sa gahum.

kanus-a pa kaha ni sila moundang ug aw-aw? kung hataga'g bukog, samot man hinuon oi. kalooy sa Pilipinas.

JGG said...

@cantilangnon: hehehe.. sige man gud sila ug ukay. ok ra man ang mangukay pero kung mao na alng pirme buhaton, d sab tingali maayo. bring the case to the proper forum. go to court. not just trial by publicity.

@doc jun: salamat sa imong pakpak.. one time i asked myself why i write things like this , am i in the position to say these? yes, i assure myself coz im a citizen in a democratic society.

dili pod tingali maayo nga taguan lang pod ang bukog..hehehe.. ambot lang! mabuhay ang lahing Filipino!!

Utah Mommy said...

Hala woi politika naman sad ni dili na sad ko ka relate hehehehe.Saun man gyud wala ko talent ani nga topic. Pasensya batang buutan.

weng said...

sakto jud ka kuya. wla tinuora na sila nag ilog sa bukog kon dili nagilog sa gahum. Kisay pinaka maayo,pinka sikat, pinaka ngilngig, pinaka tanan (dili man makabusog ang bukog pero lami tingali tamuy tamuyan). na sa ato pa ang gahum dili maoy bugtong makapahatag ug kalipay sa tawo........... siguro pipila lang kanila ang adunay putli ug maayo nga motibo.

JGG said...

@darlene: mao lagi, unsaon man nga dili man gyod nako malikayan nga mahisgutan ang may labot ang lungsod ug lungsuranon.. hehehe.. ambot lang!

@weng: lami tingali tamuy tamuyan. taym pa, unsay tamuy tamuyan? kanang kitkiton?. thanks weng!

45c4x564cv64 said...

Tinuod gyud nga daghan ang misakay sa maong isyu. Ilabina kanang ilang gitawag nga 'in aid of reelection'. Pero sa pikas bahin maayo sad kay aron aduna say magkinto nga mohimo og mga kasaypanan kay masayod man gyud ang katawhan ilabina nga mogawas man gyud dayon kana sa balita.

Ang mga tawo na dayon ang mo-evaluate kinsa ang nagtinuod ug kinsa ang nagsakay-sakay. Kon wala pud ang ilang okay-okay dili pud ta masayod kon unsa na ang nahitabo...

apexjess said...

nice topic bai

girlfromdipolog said...

oist batang B, pwede na ka mahimong political analyst! :-)

i'm not saying this just to flatter. i hate politics. it's dirty, hopeless and pointless to discuss at times because let's face it -- our country is not getting any better with the corruption and all. it's all BS!

diha ka maayo because you spark interest of a boring affair with your interesting analyses. and the people should not remain apathetic. we should not tolerate evil things to happen to our country! we can make difference by not following these people, by condemning what's wrong. and we can start with our own selves. live right! live free!

mabuhay ang Pilipino! :-)

Christinehaze is SC's author said...

hahahahaha ka-ingon ko ug ukay-ukay gyud, lol

very cheeky title.

Musta bay?

JGG said...

@obramaestra: i like the word "in aid of reelection". hehehe.. tungod niini sab napamatud-an anto nga lagsik ang demokrasya sa atong nasod. ug angay nato kining ipasigarbo. pinaagi usab niini mas "aware" ang mga tawo. pinaagi sa pagpakita sa daghan "sides" sa isyo mas molawom ang pagsabot sa katawhan..

@apexjess: salamat bai!

@gfd: salamat... well said. "live right! live free!"

@haze: salamats sa pagbisita.. hehehe..