Tuesday, 16 October 2007

Sayaw ta Inday

Maulaw gyod ko mosayaw. Maulaw ko mosayaw, labi nag naay magtan-aw.

Matod pa ni Cecile Guidote Alvarez, kabahin na gyod daw sa matag Filipino ang pagkahilig sa sayaw ug pag-awit. Nagsugod ni sa ato pang mga katigulangan. Gigamit ang sayaw isip paagi sa pagpagawas sa gibati, sama sa sayaw sa paghigugma, sayaw sa pagpakasal; naa sab mga sayaw sa kamatayon, sayaw sa pagtintal; sayaw sa kalipay, sa kasakit ug kadaugan; basta daghang klase sa sayaw.

Apan dunay sayaw nga dili nako malimtan, ang sayaw sa Senado; ang sayaw sa mga politiko - kay sa akong tan-aw, ang ilang sayaw, dili lamang simpleng sayaw. Kagahapon, gipatukar na usab ang CHA-CHA. Nanayaw na ba sab kita?

Sa gikaingon ko na, maulaw ko nga mosayaw. Apan sa sayaw nga gipasi-ugdahan pag-usab, aw dili man tingali gyod ko moapil ug sayaw, pero dili nako mapasaylo ang akong kaugalingon kung dili ko magtukaw samtang sila magsayaw.

Samtang wala pa nabugnaw ang sabaw sa NBN deal, ug samtang naa na sab giluto nga "sabaw" para sa pasko kuno - ang pag-apod apod ug salapi sa mga congressman ug governor; kagahapon gibanhaw ni Presidente ang Cha-Cha (Charter Change) pinaagi sa iyang pagmugna ug usa ka "panel" aron maoy maghimo sa gitawag nga "Roadmap to Federalism by 2012".

Roadmap to Federalism by 2012. Ano man ni nga sapat 'to man? (Unsa na man sab ning mananapa Dong?)

Mura lang gud nig moingon ko nga "ang pagpakasal sa batang buotan sa 2012". Plano ba. Mura'g flowchart nga naglangkob sa mga detalye diha sa pag-usab sa atong pang-gobyerno gikan sa Unitary ngadto sa Federal form of government. Nga sa ato pa, sa 2012, atong usbon ang atong batakang balaod aron mausab ang atong pang-gobyerno.

Naukay gyod dayon ang kadaghanan. Daghan man god mabalaka kung hisgutan na ang pag-usab sa batakang balaod. Daghan dayong magduda. Sa dili madugay, maghuot na sab ang sakyanan sa kadalanan kay naay mag-rally. Sa dili pa ta moapil ug sadsad (sayaw), tukion sa nato kini pag-ayo.

Plano pa man hinoon kini. Dili dayon angay nga supakon dayon kundili angay nga tukion.

Gikinahanglan ba gyod nato ang Federalism? Haom ba kini alang kanato? Sa dili pa ta moyawyaw ug maayo, timbangon sa nato ug maayo.

Taym pa, angay sab gyod tingali nga masabtan pag-ayo sa katawhan unsa ang Federal form of government aron matuki unsa ang mas haom para kanato.

Kini kaha ang makasulbad sa atong problema?

Haom ba para kanato ang Federalism ug Presidential form (ex. United States, Venezuela)? O mas haom ang Federalism ug Parliamentary form (ex. Australia, Germany, India)? Komplikado diay no? Mao nga nagkinahanglan pa gyod ni ug igo nga panahon. Maayo tingali nga ipadayag ug ipasabot nila pag-ayo ug unsa ni basin diay ug makaayo ni sa kinabag-an.

Pasayawa ko Day
Sayaw lang sa uban
Cha-cha man ang gusto ko
Nganong cha-cha, nga naa may uban

sayaw na lagi ta Day
Di lagi ko kay wa akoy gusto
hala yawyaw
unsay yawyaw
yawyaw diha sa media

Watatits, mga brayt na ang kadaghanan, dili na magpailad sa yawyaw lang. Kabalo sab baya mi mag-research ug dili lang mi magsalig sa one-sided opinion nga gipatukar sa kahanginan.

Mao nga kining mga babaye nga kusog magpasakit ug lalaki, kinahanglan nga magbag-o na gyod kay hapit na moabot ang 2012. Unsa gyod kaha no sa 2012, magpakasal sa huwes o sa simbahan? Sa babayeng buotan o sa babayeng maldita? Sa maestra o sa estudyante? Sa gwapa apan morena? O sa maot nga chinita? Unsa man gyod oi!! Taym pa, naa ba koy pakaslan sa 2012? Plano ra man ni.

Sayaw na lang ta oi!

Ambot lang!

3 comments:

Darlene said...

Sayaw ta batang buutan hehehe ako nahan baya ko musayaw ug mukanta mao na ang past times sahay nako aron lingaw ko bisan mingaw diri kay layo sa akong pamilya sa pinas hehehe

weng said...

suicidal cases among Filipino men are reported to be caused by women. Men resort to suicide or suicidal tendencies if they are not able to cope with unhealthy relationship break up. They tend to experienced too much distress and depression.In most cases, relationship break up tends to damage men's psychological progress compared to women who are armed with different coping strategies. Maglisod man gud ang men ug share sa ilang feelings. dili man gud kaayo sila expressive. kasagaran nila ilang iluom and if their emotional tank mapuno na sa kaguol they resort to suicide. "tungod sab ni sa culture nato nga men are usually regarded as strong " boys dont cry daw". Unhealthy relationship break up is traumatic for most men if men managed to survive with this it would be very hard for them to trust women again in a new relationship.

So my advise for both men and women do not play emotions. do not enter into a relationship just for a try or for a game. do not overestimate other people's strenght.

and Women do not overestimate men's capacity to cope emotional distress . Some or perhaps most women think that men are men which means that they can easily find or hunt another woman as replacement if they leave them. "this is a sick thinking". think about it.

and Men: learn to manage ur internal struggles by sharing it to others and by acknowledging that you are hurting inside. if women leave you without valid reasons isn't it a BIG SIGN THAT SHE IS NOT WORTHY OF YOUR LOVE? let her go she is just a mess why dwell on the person who do not even value GENUINE LOVE.

kakay said...

pwede paki tagalog?!
ahmm..
di ko kc maintindihan eh..
based from the comments n engllish..
seems interesting eh..