Thursday, 25 October 2007

Sobra na

Ang gamay pun-an; ang sobra kuhaan. Ang nangawkaw nga kanhi presidente tagaan ug pardon? Sobra na tingali na uy. Wala pa baya niya mabayri iyang dakong salaod sa katawhang Filipino.

Dili maayo ang sobra kay kini makadaot. Ang sobrang kalipay makamatay man na. Ang sobrang kaguol makamatay sab. Ang sobrang kaisog dilikado. Ang sobrang katalawan makauulaw. Bisan gani ang sobrang kabuotan dili man maayo kay abusahan man sab sa uban.

Ang sobrang pagkahakog sa gahum makalanag. Ug daghang nangalipong sa gahom ug wala hinoon nila mabantayi nga nahulog na sila sa bung-aw sa kasal-anan. Sama ra gud ni sa sobrang abuso sa lawas, sobrang kaon, sobang inom, sobrang paggamit sa druga - kining tanan makadaot.

Akong namatngonan nga sobra ra man kadaghan ang akong blogs. Nia ning akong blog nga Bisdak, naa koy blog nga ang hisgutan bahin sa kinabuhing ulitawo, tua koy blog nga naghisgot sa kinabuhi ug gugma, naa koy blog bahin sa Rastafarian Movement, naghimo sab ko'g blog nga bahin sa Information Technlogy. Pastilan, mura na man nig nanghakot ko'g blogs. Mura ba'g dili ko makuntento. Hinoon, mao man ning akong nabatasan nga kung ganahan ko sausa ka butang, gusto nako daghan.

Pero karon ako ang usbon ang eksena. Ako na nga i-sentro ang akong atensiyon sa duha ka blog. Kining Ambot Lang ug ang Technie. Ang nauna para sa bisaya nako nga sinulat ug ang usa para sa English. Dili lang sa ko mangambisyon sa Japanese, Spanish, ug French versions. Hehehe

Usahay man gud masobrahan na man akong panahon nga gibubu para sa blogging. Mao sugod karon akong ipatuman ang streamlining ug re-engineering sa akong mga blogs.

Salamat sa tabang sa akong amigo nga ako lang itago sa pangalan nga Ramses Redido, kay kung dili tungod sa iyang expertise, gubot kaayo ang akong blog. Ang mga post nako sa Just for Today ug Single's Talk naa na karon sa akong bag-ong blog (wordpress). Kaalegre pod oi, pwede man diay ma-import. Wa man gyod ko nasuheto anang mananapa apan tungod lagi sa akong higala nga dili lang nako ibutyag nga iyang ngalan Ramses, nahimo gyod nako ang tanan sa dakong kasayon. Mao ni ang url sa akong blog: http://gervacio.wordpress.com

Sa dili pa nako ni taposon, ako sa ni ipaabot akong panawagan sa tigpadala nako ug SPAM (mga unsolicited email) nga kasagaran wala naggilkan sa Pilipinas. Ang nakasakit man gud sa dihang akong gilili ang SPAM folder, kadagahan man gyod sa SPAM, naay nasulat nga:
Is you Penis small?
Make your penis something you can be proud of
Increase the size
Most women like big dick

Hala naunsa man ni oi! Sobra na!

Ambot lang!

7 comments:

weng said...

sobra mo lang kuya ang prediction kai in less than a year Estrada will be granted pardon pero tan-awa lang .... humana free na jud siya. wla na tay mahimo kai ang pinakapowerful na nga leader ang gahatag.

weakness na ni PGMA, i just hope that her decision will turn out to be a blessing

haze said...

hahahahahahahahaha.......unsa na ni uy? Sobra na jud ang tana, pati akog katulogon gpungan maka panapi lang lol...sobra na gyud diay, hehehehe. Mahimu-ot man ko aning batang buotan uy, lol.

Musta diha????Hala mulantaw ko sa imoha uban na blog ha....

Pasagdahi rana ang pagamyi ug padak-i di man kaha na tinu-od? lol.

beejing said...

maka nosebleed sa bisaya oi... lol

Darlene said...

Bitaw ang tanang sobra makadaut mao na nga wa jud mulungtad dautan nga nasobrahan kay mu epekto gyud

batang buotan said...

weng: mao gyod..wa tay mahimo kay gahom man sa presidente ang mohatag ug pasaylo..

haze: salamat haze..

beejing: unsay buot gani pasabot ana? kanang lisod sabton sa? ma nosebleed ko sa French man ug Spanish.. heheh

darlene: sakto ka!

lucille said...

hahahahahahahahaha.....
pwerting lingawa nako sa imong blog oi. imbis katugon pako nisiga ako mata oi. bisaya overload ko kadyot dah.

isumpay tika sa akong blog ha.

ayoayo! ambot lang nimo. hehehe

batang buotan said...

lucille salamat sa pagbisita..