Monday, 8 October 2007

Ang kapalaran ni Ramil Paican

Dili lamang kamatuoran pwedeng taguan. Ang bakak pwedeng tan-ugan. Sa natad sa gugma, kasagarang maguba ang maayong relasyon tungod sa pagtago sa kamatuoran ug pagpanalipod sa bakak.

Ang kapalaran ni Ramil Paican ug mga kaubanan nagpamatuod lamang nga ang tugbang ang pagtago sa kamatuoran mao ang mapait nga kapalaran.

Daghan ang naukay sa dihang gibalita nga nagkasumpaki silang Ramil Paican (reporter), Samuel Trangia (driver), ug Joel Noel (cameraman) sa ABS-CBN Cebu ug S/Insp. Jose Lidawa tungod sa trapiko usa ka kaadlawon niana niadtong September 17, 2007. Ang panaglalis miinit pag-ayo ug duna gyoy nabun-og. Sa report ni Paican pagkaugma, iyang gidetalye og gipakita sa video footage nga si S/Insp. Jose Lidawa nanukmag. Daghan ang mikondenar sa nahitabo kay atol pa gyod to sa pagsaulog sa Press Freedom Week sa Sugbo.

Apan wala nahuman ang estorya. Mialma ang abogado ni S/Insp. Lidawa kay matod pa niya "bias" kaayo ang report nga gipagawas sa ABS-CBN kay wala man gipakita ang footage diin gisukmag sab ni Paican si Lidawa. Duna kuno'y pagtago sa kamatuoran. Kini nakapaaghat sa ABS-CBN nga magpahigayon ug "internal investigation" ug napamatud-an nga nakalapas si Paican ug mga kaubanan niini sa gilatid nga code of ethics sa maong kompaniya sa ilang pagtago sa pipila ka bahin sa video footage. Naukay pagsamot ang mga mga katawhan sa Sugbo labi na ang kaubanan sa buhat ni Paican. Si Paican naila nga matinud-anon, balanse sa iyang mga taho, ug may integridad nga giaampingan sulod na sa hataas na nga panahon.

Sa usa lang ka pamilok, gipapha si Paican human ang 14 ka tuig nga pag serbisyo sa ABS-CBN. Makatarunganon ba kini? Mao kini ang mga pangutana karon sa katawhan. Kung dili makatarunganon ang pagpalagpot kang Paican, makatarunganon ba sab ang iyang pagtago sa pila ka bahin sa video footage nga mao unta maghatag ug balanse nga taho?

Dako ang responsibilidad sa mga opisyal sa gobyerno ngato sa mga katawhan ug labaw na nga mas dako ang responsibilidad ug tulubagon ang mga magsisibya ngadto sa mga katawhan. Ang pagtago sa kamatuoran dako tinuod nga sayop ni Paican tungod kay sa unang gipagawas nga report, klaro man kaayo nga nahimong makaluluoy nga bida silang Paican samtang nahimong isog nga kontrabida si P/Ins. Lidawa. Patas lang unta kung gipakita sab ni Paican nga mibalos sila pagsuntok sa hubog ug isog nga police.

Ang kamatinud-anon ug integridad sa usa ka magsisibya importante kaayo nga dili mabulingan. Kung kini mamansahan na gani, ang mantsa na na ang makit sa mga tawo. Ug dili lang ang relasyon sa mga tigpaminaw ang apektado lakip na ang relasyon ngadto sa mga news sources.

Ang pagsalig maoy labing importante nga elemento nga naghugpong sa relasyon sa tawo. Kung maguba na ang pagsalig, mausab na sab ang kapalaran.

Mao bitaw nga si Bai Ramses, nag-amping gyod nga dili mabulingan ang pagsalig sa iyang pangging kaniya.

Ambot lang!

5 comments:

iamsorceress said...

tsk tsk. mao nay kapait diha.

kaila ko aning capt. lidawa. he's a good person from what i gathered. sya mi-facilitate atong naa koy gipa-blotter before. i feel bad for his wife kay she comes from a well-to-do chinese family nga di ganahan ug samok.

but lidawa loves to drink and really get drunk. well, nagkainom na mi ani niya before, di man sya mag-maoy, in fairness. siguro, mihagtik lang gyud with the accident. too bad mr. paican had to resort to cover-ups. mao nay giingon nga appearances (or even reputations) can be deceiving. let this be a lesson sa mga tawo in power, di gyud gamiton lagi ang gahum. abi nakog si lidawa ray guilty. sila man diay duha. tsk.

batang buotan said...

according to bystanders (as i heard from local radio stations), during the heated argument, paican and his group "bragged" "invoked" that they are "media". Lidawa also "bragged" and "invoked" that he was a policeman. the rest was history. they exchanged not only words but also "fists".

when i hear the news, i thought it was lidawa's all-fault. i condemn his action that time. after some time i realized that i just saw an angle favorable to paican.

when presented with twisted facts, conclusions often mislead..

Darlene said...

Hala wala ko ka relate sa topic dah!hehehehe dili naman gud ko updated anang ABS-CBN woi.Sagdi lang maybe soon maka TFC nako puhon.Happy Tuesday batang buutan.

OBRAMAESTRA said...

sakto ang gihimo usab sa ABS-CBN nga gidisiplina ang ilang sakop. Sa polis dili unta mag-inom-inom.

haze said...

faeta gud di-ay sah.....glad bisan province me nagpuyo sa una pero highway dako jud....hehehehe.