Ako usa ka Kristiyano (Roman Catholic) nga may higalang Lumad (Subanen) ug mga amigong Muslim. Taliwala sa managlahing tinuohan usa ra ang among yutang natawhan - ang Mindanao. Nagpatiwala kanamo ang respeto sa usa'g-usa. Kaming tanan nagtawag sa among kaugalingon isip Mindanaoan.
Gisaulog karon ang Mindanao Week of Peace (November 29 - December 5, 2007) nga may temang, "Building Bridges of Peace With Our Peace Officers". Ang Mindanao Week of Peace (MWP) gisaulog ubos sa mando sa Presidential Proclamation No. 127 series of 2001 nga nag deklarar sa kataposang Huwebes Nobyembre ngadto sa unang Miyerkules sa Disyembre matag tuig isip Mindanao Week of Peace. Ang kasaulugan nagtumong aron mapataas ang paghimatngon sa kultura sa kalinaw ug kahiusahan.
Ubos niining pagsaulog gihulma ug gihimo sa matag siyudad, probinsiya, ug lungsod ang nagkalain-laing programa nga haom sa MWP. Sa among pagsaulog, ang mga Lumad, Kristiyano, ug Muslim ug ang ubang sektor maghisgot-hisgot sa mga angayang buhaton aron makab-ot ang malungtarong kalinaw sa Mindanao. Apilan kini sa mga obispo sa Catholic Bishops Conference of the Philippines (CBCP), mga Ulamas ug Ustadz of the Ulama League of the Philippines (ULP), mga obispo ug mga pastor sa National Council of Churches of the Philippines (NCCP), mga opisyales sa Armed Forces of the Philippines (AFP) ug Philippine National Police (PNP), mga representante gikan sa kagamhanan ug lain-laing sektor sa katilingban, ug labaw sa tanan sa kinatibuk-ang katawhan sa Mindanao.
Matod pa nga ang Mindanao usa ka "melting pot" sa nagkalain-laing tinuhuan ug kultura. Apan bisan pa man niini, malinawong nagpuyo ang mga katawhan gawas lamang sa pipila ka lugar diin anaa ang kagubot. Buot nakong ipaklaro nga ang kagubot sa usa ka lugar dili kagubot sa kinatibuk-ang yuta sa Mindanao.
Ang kasaysayan sa Mindanao usa ka epiko sa pakigbisog, pagbarog, pag-ula ug dugo, ug pagbuhis sa kinabuhi. Nagtoo ako nga ang kalinaw makab-ot lamang sa malinawong pamaagi sama sa pagbinaylo-ay sa mga hunahuna ug pagrespeto sa usa'g-usa.
Ang kalinaw sa Mindanao dili usa ka damgo lamang. Ang kalinaw anaa sa matag usa ka kasing-kasing sa matag Mindanoan.
Ambot lang!
Read: SECRETARY ROMULO LEADS CELEBRATION OF MINDANAO WEEK OF PEACE (DFA Press Release)
More Information:
The Mindanao Week of Peace by Tommy Pangcoga
Initiated in Zamboanga in 1997 by Peace Advocates of Zamboanga (PAZ), this activity has become a Mindanao-wide event as adopted by the Bishops-Ulama Conference (BUC). Since then, it is being commemorated annually from the last Thursday of November to the first Wednesday of December, also perpetuated in observance through Presidential Proclamation No. 127, Series of 2001.
Subscribe in a reader
9 comments:
Usa ako ka bisaya natawo diha sa Mindanao sa Iligan City. Nag eskwela ug nagtrabaho sa Cebu, then ni transfer sa Manila, naa nako diri.
I myself a born Christian, we were taught in our church to pray for the peace in Mindanao.
Pero kung ako ang mo pray, e pray nako ang mga tawo na maka attain ug righteousness. The bible says the fruit of righteousness is peace, that means get righteousness first, then the result would be peace.
jeffrey, salamat sa pagpaambit niini. uyon ko sa imong gisulti nga the fruit of righteousness is peace. thanks for your prayers. lets all pray for righteousness and for peace in mindanao.
uyon ko sa gi ingun nimo nga ang tinud-anay nga kalinaw nagagikan laman sa sulod sa kasingkasing sa tawo.tinuod na nga malinawon ug simple lang kaayo ang mga tawo sa mindanaw. am praying for continued PEACE in mindanao and in the whole country.
weng, salamat sa pagpakabana, salamat sa pag-ampo.. salamat sa tanan nga nagmahal sa yutang akong pakamatyan!
ambot lang!
peace is a result of fight... maangkon lamang ang kalinaw kun ang mga babag sa kalinaw mawala sama sa SOCIAL INJUSTICE, CORRUPTION, PSYCHO-ECONOMIC EXPLOITATION
uyon ko kang Jeffrey nga righteousness means of the our struggle towards genuine peace
mindanaokini, well said. mao sab na ang akong gilantaw..ug dugang pa, ang kalinaw usa ka proseso. dili kini maangkon sa usa ka gabii lamang..
gawas sa respetohay, magpasensiyahay. magpasensiyahay kay dili man kita makarespeto sa tanang panahon. Masipyat man gyod ta bunga sa tawhanon nga kahuyang ug kalahian. Kon kita ang nasakitan sa gibuhat sa uban , mopasensiya , mosabot kita, ug atong ipadayag ang atong kasagmuyo sa sibil nga paagi. Dili nato ipadayag ang atong kasuko diha sa pagpamusil ug pagpamomba tungod lang kay gipanamastamasan sa uban ang unsay atong gipakabalaan.
sus, nakaremember ko atong niadton kog manila.. mangutana dayon sila kung taga aha ko.. pag ingon nako na mindanao ko.. sa iligan.. mura man sila`g nangahadlok nako kay isog daw ang mga tga mindanao!hilig gaw gubot..unsa ba ui!
titov, tinood, usahay dili malikayan nga makalimtan ang pagrespetohanay sa usa'g-usa..
makasubo lang palandungon nga ubos ang pasensiya sa kadaghanan...
tikya, daghan sa taga-Mindanao ang nakasinati sa imong nasinatian sa Manila. Mao kana ang sayop nga panglantaw sa Mindanao. Ug nahulma kana nga panglantaw tungod ra usab sa bias sa Philippine press.
Post a Comment