Nakahinumdom ko sa sugilanon nga giulohan ug, "The Giving Tree" (Shel Silverstein: 1964). Tingali, kitang tanan nakabasa man niini. Sugilanon kini sa usa batang lalaki ug usa ka kahoy. Gihatag sa kahoy ang tanan ngadto sa batang lalaki - ang bugnaw nga landong, bunga, ug mga sanga nga iyang himoan ug balaybalay. Sa mihingkod na ang batang lalaki, mas midako ang iyang panginahanglanon. Gihigugma pag-ayo sa kahoy ang iyang amigo nga kinasingkasing niyang gihatag ang iyang kaugalingong punuan aron himoong baroto. Ug wala nay nahibilin kaniya gawas sa gamay'ng tuud ug gamot.
Usahay baya sab sama ta sa kahoy, amdam kanunay mosakripisyo alang sa minahal sa kinabuhi - andam kanunay nga ihatag ang tanan, bisan pa ang bugtong kinabuhi.
Unsa kasakit ang bation sa usa ka inahan nga moingon ug "dili" sa gustong kan-on sa iyang anak? Apan moingon ang inahan nga "dili" kung ang maong gusto sa anak makadaot. Unsa kaha kung nagpakiluoy na ang anak nga hatagan ug kwarta aron lang ipalit ug ginadiling druga? Magdugo gyod ang kasingkasing sa mga inahan nga mobalibad. Ug ang pipila nga akong nakaila, mohatag gyod tungod sa kaluoy. Mabasol ko ba sila?
Mao usab kini sa usa ka relasyon. Usahay mohanyo si Dodong. Buot unta nga mobalibad si Inday, apan magdugo ang iyang kasingkasing kung iyang balibaran ang hangyo ni Dodong. Ug mahitabo ang dili pa unta angay mahitabo. Modugo gyod!
Usahay kinahanglan ang pagbalibad. Gikinahanglan ang paglitok sa pulong nga "dili". Kay kung dili ta modili, may mga sangputanan nga dili unta nato gusto.
Ang dili pagdili sa usa ka butang mosangpot usahay ug kapakyasan ug kasakitan. Mao tingali nga daghan ang nahimong inahan apan dili asawa, anak apan walay ginikanan, ug nabungkag nga relasyon ug pamilya tungod sa dili pagdili sa usa ka butang.
Daghan ang nahitumpawak sa kadautan tungod sa mahuyang nga baruganan sa mga tentasyon sa kinabuhi.
Apan ginaingon nga dili mobalibad ang sunoy sa nagpaduding nga himungaan. Mao nga dili gyod sayon ang pag-ingon ug "dili" kung ang "dili" maoy gusto.
Dili na man gyod unta ko moadto sa langub nga "ilang" gitindugan kay dili lagi ko gusto nataptan ug kagaw. Pero unsaon man kining akong kagaw? Kagawon man gyod ko.
Hala, basin mapareho ko sa "giving tree", wa na unya'y mabilin nako. Gamot na lang. Dili og dili ko makatugot.
Ambot lang!
Subscribe in a reader
10 comments:
sakto ka. unsahay man gud kutob ra ta sa sulti ug wala sa buhat. mo ingun ta nga dili nako aning buhata pero padayon lang gihapon. kon ang tawo ganahan mo undang sa iyang bisyo nga pagkapalahubog kinahanglan ba jud d-i siya mo sulod sa usa ka imnanan aron suta-on niya kon di na ba jud siya ma tintal? well its not about being strict towards oneself but rather being determine and firm.
GOD BLESS!!!!
weng, dili na kinahanglan nga suwayan pa..
halu, ka sincere jud oi, sa content ani nga posts..
thanks melody for your visit
tama bitaw. ako man pud gane, maski lalake ko, mubalibad man gani ko sa akong uyab kung gusto niya mag gitikanay ming duha. dili man ko ganahan ug gilok bi mao mudili jud ko. lalim na, basig mabuntisan ko sa akong uyab. lisud na jud, babae bya siya. baka iwanan nya lang ako sa huli.
ambot lang!
kemi, ang ako lang masulti, pagkabulahan sa imong uyap kay ikaw makamao mobalibad..
mao jud pirti kalisud muingon ug "dili" ug "ayaw".... tama jud ka! ur perfectly ryt! labaw na sa tao nga gimahal nimo! tanan buhaton maski pa kini maka buhat ug kadaot ug ka piligro nimo basta para sa iya...hala! maski "ayaw" "sige nalang" maski "dili" " poo nalang".
tramz, salamat sa pag-uyon! hehehe.. matod pa sa kanta..
to be willing to march
for a heavenly cause
ambot lang!
i love that book! ang galing ng illustration. simple lang pero rock!
salamat gfd.. i love to hear it!
Post a Comment