Tuesday, 20 November 2007

Lami ang Gidili

Kini hinoong gidili maoy lami. Dunay daghan nga gidid-an na sa pagkaon og mga mantikaon ug sobra katam-is, mohingok gyod ug kaon kay lagi lami kuno. Ang uban gidid-an na ug inom ug ilimnong makahubog, mo-sekreto gyod ug yarok, "gamay ra bitaw".

Sa mga lugar nga gidili ang ang paglabay sa basura, tambakan gyod hinoon ug daghang basura. Sa jeep nga gibawal ang pagpanigarilyo, mogara gyod hinoon ug pabulhot sa aso si sir.

Nakahinumdom ko sa usa ka magtutudlo sa usa ka pribadong kolihiyo. Sa dili pa siya magsugod sa iyang klase, iya gyong ipahinumdom kanunay sa mga estudyante nga palungon ang ilang mga cellphone ug tangtangon ang mga earphones. Naunsa man hinoon nga halos kada klase naa man gyod motingog nga cellphone. Madisturbo gyod hinoon ang klase.

Kini bitaw'ng magsinumbagay, mogara man ug tambagan; pero kung ingnon nga "hala, pagpatay mo!" dili na hinoon magdayon ang away. Hahay!

Tinood baya gyod nga mas lami ang gidili kay daghan man gyod ang gusto sa gidili. Sama panangalit sa natad sa gugma. Daghan kaayo dihang mga minyo nga nakiglambigit lang gihapon sa lain. Gidili baya gyod unta na sa balood. Pero unsaon nga dili man gyod kuno kapugngan ang gugma. Kapugngan pa gud kuno ang landslide, apan nungka ang gugma.

Dili gani kapugong ang Santo Papa sa mga pari nga gustong magminyo. Bawal baya unta sa mga pari nga makiglambigit sa mga babaye (ug lalaki?) apan unsaon man kung mopitik na gyod ang kasingkasing. Aw, dili na lang magpari. Mao na bai Kungseng, tinood gyod ang giingon nga ang gugma gamhanan kay dili mapugngan.

Kining pagbaligya, pagpalit ug paggamit sa mga "pirated software" bawal baya pod. Tan-awa ra gud sa palibot diba nagpasad lang ang mga "pirated" nga dibidi (DVD) ug mga "pirated software". Tiaw mo na, bisan nasayod nang daan ang mamaligyaay nga bawal ang pagpamaligya sa mga "pirated" nga mag butang pero padayon gihapon. Ang mamalitay, kahibalo na gyod nga bawal pero mopalit lang gihapon (mahal man daw ang "orig").

Mao na nga samtang dunay bawal ning kalibutana, duna sab mosukwahi kay ang gidili maoy lami.

Ambot lang!

Visit also: Third Wave
Contact me: Send Mail
Subscribe in a reader
AddThis Social Bookmark Button

*Napatik sa Panguil Bay Monitor (Ozamiz City), November 26 - December 2, 2007 issue.

17 comments:

weng said...

daghan pang bawal ang manigarilyo sa non smoking area labi na sa jeep kapatiron kos kasakay nako sa una nga sige ug yopyop ug pabulhot sa iyang sigarilyo ma nalang gani nakapugong pako.

pero di naman nako ma bawalan ang mga tawo nga suod kaayo nako nga manigarilyo kai kuno lisod na nga mahunong ang ilang bisyo.

lisod sab tingali hunongon ang pagpangabit kai bisyo man sab kaha na. unsaon nalang

batang buotan said...

gubot ang kalibutan kay daghang bawal, pero dili nako ma-imagine unsa kagubot ang kalibutan kung walay bawal.. hahay!

Josiah said...

batang buotan...guilty ku sa DVD. :D
kung dli pa png na bawal.. palit ghapon ku.

sa katong mga minyu nga mangabit ug mga pari nga mupatul ug lalaki.. murag dli mana gugma.. murag unod na. Sa English pa "flesh". Mao na giingin ayaw ug padala sa unudnong kaibug.

Sakto ka.. ang bawal mas taas gyud ang gusto nga buhaton. Murag naa cguro "hormones" nga i-release ato lawas kung mubuhat ug bawal.

Aku akung tampo sa imong post nga perting alegreha.. sa Ginoo ra jud ta muduol ky sa atong kaugalingon kusog wla ra jud ta.

batang buotan said...

Bai Josiah, wala ka nag-inusara sa mga nakabati ug "guilty" kay mipalit sa dibidi (DVD) nga pirated. Hehehe.. Guilty sab gani ko kay maminaw man ko sa music gika sa pirated disk.

Gimok ra diay na sa unod ang gibati sa mga minyo nga nangabit? Mura pod bitaw sa? Special mention gyod ang pari diri. Kasagaran sa mga pari nga migimok ang unod babaye sab baya ang gi-iring-iringan pero mao lagi sab, naay ubang pari nga lalaki pod ang tirada. (we just cant drop names here) Tinood nga daghan pa ang "Padre Damaso" sa atong panahon.

Salamt sa pagpaambit bai Josiah!

Jan Richard said...

ooh., i love pirated DVD's., my guilty pleasure., best place to get em cheap is Quiapo., :)

JOEMADEL said...

Wahaha! Tinood gyud uy, ilabina sa gugmang way makapogong..mga dalaga, bawal mabontis kong wala kapa kasla! Ginadili na sa Ginoo...

Ivy Sterling said...

hmmm mao gyud kung unsa noon tong gi dli mao na nuon tong lami ahehehe

batang buotan said...

Jan Richard, in Cebu the best place to get them cheap is in Colon area..

joemadel, bawal gyod diay sa? ang ulitawo bawal sab magpabuntis sa dalaga nga wa pa niya pakasli.

ivy sterling, sakto! mas lami ang gidili.. hehehe

ambot lang!

rAzAzO'o said...

guinadili ang pag-ihi kay maancho!

Melody said...

true kaau nih, hehe
last time we went out to watch cinema, imbes lagi nah nga mag focus ta ug tan aw, daghan man gatingog nga fone, waaahhhh...pagkasabah

batang buotan said...

rAzAzO'o ginadili sab ang pag-inom aron dili maka-ihi.. hehehehe..

melody, bisan gani sa simbahan samtang nagmisa ang pari, naa may motingog nga cellphone..

Titov said...

Kon walay gidili, matunaw ang kalibotan.

JOEMADEL said...

bitaw uy haha gipunggan lang ko haha..

batang buotan said...

titov, kuyaya sa? matunaw gyod diay ang kalibutan.. hehhe

joemadel, sige lang padayon lang gud gihapon, d lang kanunay ba..

Gladys said...

Tinood gyud ni imong gipanulti ay..sa economy man gud pud na nato diha sa pinas. Saon man, kato rang middle nd upper class ang makapalit og orig nya kay pareho ra baya og gibati ma-lower class man o ma-middle o ma-upper, maong didto na lang jud palit sa pirated..mao ra may ma-afford. Nya hangtod nga naandan na nato diha (saon isa pud ko sa una mupalitay og pirated na dvd) maong murag ok ra.

Naa bitaw ko gi-ingnan nga mga amigo, kay dunay 'software' diri sa tate nga gi-sale ba..ang tubag niya nako 'diri lang ko sa pirated kay 100 ra'. Na wa na ko'y mahimo..

Maayo unta lagi kung mu-stable na ato economy diha para tinud-anay na gyud ang paglambo..

Kanang gidid-an nga di muinom unya mu-sekreto og yarok..na nagsugod na na og kalot sa iyang lubnganan..

Katong tua pa ko sa davao, bawal ang manigarilyo sa public area (not unless kung gahi ka..gahi og ulo ba unya ampo lang nga di masakpan sa balaod), nya kay mutinood ang mayor didto..maong medyo disiplinado ang mga tao didto (sumala lang sa akong nakita ha).

Usahay bitaw kaning imong tambagan, magpa-dili dili..cguro ego ra na nila, ambot ba. Maong usahay kug mutambag ko, ako deretsuhon og sulti nga "ikaw gud imo man na kinabuhi, huna hunaa lang nga dili ka iring nga siyam ang kinabuhi". Na mahilom gud. Kung sa akong nanay pa, murag lansang..dili mudulot kung dili dukdukon.

Darlene said...

AW unsa pa! tinuod gyud ning mga bawal gidili mao na nuon ang mugimaw or lami lol! heheheh i love the post batang buutan sige lang gyud kaigo ang angay maigo lol!

batang buotan said...

gladys, sakto gyod nang giingon nga mura'g lansang "dili modulot kung dili dukdukon".. ako usahay baya sab mura'g lansang.. hehe.. salamt gladys sa imong bulawanong gipaambit.

darlene, ug ang labing unang maigo mao "ako".. hehehe