Thursday, 22 November 2007

Ang Belen sa Colon

Ang dalang Colon sa Sugbo, ang pinakakaraang dalan sa Pilipinas, dunay bag-ong "attraction" Kini mao ang belen. Tan-awa sa ubos.


Ayaw lang laina pagsabot ang pulong nga "Sex Drive" sa ubos nga bahin sa hulagway kay wa nay labot. Mao na ang bag-ong salida kay sinehan baya na.

Tutuki ra gud pag-ayo ang "sagrada pamilya". Dili intawon na si Maria, mao kana si Gloria. Ang lalaki dili si Jose, kundili si Joseph Estrada.

Naukay gyod ang tumatan-away. Nagkadaiya gilayon ang reaksiyon. Naay miagik-ik. Dunay nasuko. Dunay nalipay. Dunay wala lay pakialam. Pero para kang Msgr. Achilles Dakay (Cebu Archdiocese media liaison officer), angay gyod nga tangtangon ang maong belen. Sa tag-iya sa among belen, bugtong tuyo lamang niya mao ang kahiusahan sa tanan. Kay laliman ka nga gipakita gud sa belen nga usa na ka pamilya ang duha sa mga "gahi" nga lider sa nasod.

Sa mga konsebatibo, yagayaga sa tinuhuang kristiyanos ang maong belen. Pero dili lagi nako mabati nga giyagayagaan ang akong tinhuan sa ingon.

Lalisan pa ba gyod na Msgr.Dakay? Mas maayo pa tingali ang atong hisgutan mao ang imong giingon nga nanapi ang mga bata nga nag-akusa sa usa ka pari nga nanghikap sa pribadong bahin sa ilang lawas didto sa Abellana. Bato-bato sa langit, kung maigo, mabukol. Bwahahaha.

Dautan kaayo ko ug komento sa? Pasko baya karon, mao angay lang nga magkahiusa tang tanan. Dili na lang to nato tangtangon ang belen sa colon kay nakaplastar na man to didto. Pun-an pa to nato.

Gusot pod ko maghimo ug belen pero ambot mahimo ba kaha nako kay bisan "christmas tree" dili ko makamao. Si Mayor Tomas ug Gov. Gwen kaha no? Maghimo kaha pod sila ug belen? Si Joey de Venecia ug si Ben Abalos?

Ikaw, bai Kungseng, maghimo pod ka ug belen sa Ozamiz? Si bai Ramses lang ang bahala sa belen sa Makati.

Ambot lang!

AddThis Social Bookmark Button
Photo credit: SunStar-Cebu [Thursday, November 22, 2007 (Philippines)]
Read the news article, Leave Gloria, Erap out of belen: Dakay by N.R. Cudis

9 comments:

tikya said...

maayo pa diay ko kay naka plastar na kog christmas tree sa among payag! nana sad mi dakong star sa gawas! hehehe.. wa lang mi belen kay wa man gud na nauso sa among baryo ui!hehehe

Titov said...

Klaroha palihog, ug tutokig maayo kay ang bata si Mike Arroyo , kuno.

Tinuod?

batang buotan said...

tikya, naa na gyod ang spirit of christmas sa inyoha..wala nay baha sa Iligan, maam?

titov, si mike diay na? naa man gud mihunghung nako nga si abalos daw na.. naa pa gani anghel nga nagpahipi, si de venecia daw to.. ambot lang nila oi.. hehehe

rAzAzO'o said...

ka-very creative baya adtong nag-himo sa tarpaulin no? unsa man kaha ang iyahang guihunahuna kang iyahang gikonsepto ang maong hulagway? wa kaha nanglibarot ang iyang balahibo nga himuong JOSEPH ang usa ka tawo nga uwagan kaaju kay halos ubos-sa-dosena ang guibinuangang baje? ug si gloria? dili naman intawon siya birhen... aguy, gabaan kaha siya? AMBOT LANG.

batang buotan said...

dili nato matugkad kung unsa ang motibo sa naghimo niadto. baliktad bitaw kaayo.. si JOSEPH nga panday (carpenter) giilisan ug Joseph nga nangurakot, nangawkaw (napamatud-an nga guilty siya). Ug si MARIA, giilisan ni Gloria nga daghan na ug mantsa sa iyan administrasyon.. hahay..

Titov said...

sakto diay ang "caption" sa ubos:SEX DRIVE.

batang buotan said...

titovhehehe.. mura'g sakto..

weng said...

the Holy Family is Sacred and Fr. Dakay as a Catholic church leader just air out his deep concern on how that portrait conveys a message to the people.of course it was not a mortal sin to display such. we don't know the owners motive of doing such although i heard him say that the Belen baring Joseph and Gloria was to convey a message of reconciliation this Christmas season. Perhaps it is because earlier the two are reconciled and they are a very good model for the theme FORGIVENESS AND PEACE. Sad to say many think nga bugal bugal gyud and mensahe nga gipa-abot ato nga display. ug kon tan-awn sa mga tawo maka-ingun kaha sila nga KASAGRADO sab intawn anang BELEN? maka hatag kaha sila ug dakong repesto o reverence to the portrait of JOSEPH AND MARY? dili ba we are suppose to give our respect and our reverence to the HOLY FAMILY? ug kisa man ang mo hatag pa ni ana nga sa pagkakita sa mga tawo sa maong portrait nangatawa man hinuon sila? asa man diha ang respeto sa ka sagrado ni anang BELEN diba nawala?

batang buotan said...

weng, well taken, i understand your point.. thanks for sharing our thoughts..