Sa mokapin sa duha ka dekada nga pagpakabuhi ning kalibutana, daghan na ang akong nakahinagbong lain-laing klase nga tawo sa nagkalain lain sab nga estado sa kinabuhi. Ang uban kanila, wala na nako igkita. Ang uban dili na nako mahimunduman bisan pa'g magkabangga. Adunay daghan nga nahimong amiga ug amigo. Ang pipila nagpabiling suod nga amiga ug amigo. Ug adunay nnahimo nga suod nga higala.
May mga nag-ingon nga ang labing lig-on nga naghigot sa managhigalaay mao ang pagsalig sa usag-usa. Adunay misugilon, nga dili lamang ang pagsalig kundili ang kaandam sa matag usa nga motahag ug motabang nga walay paghunahuna sa balos. May mga misugyot nga ang tinood nga panaghigalaay wala nagdepende sa bisan unsa nga sukdanan kundili masukod lamang kini sa paligid sa panahon sa mga pagsulay sa kinabuhi.
Importante ang pagsalig. Tungod sa pagsalig, mapaambit sa matag usa ang matag kinabuhi ilabi na gyod ang mga butang nga dili angayang mabutyag sa kadaghanan. Lisod tukuron ang pagsalig sa usa ka tawo kay dili kini mahimo sa usa ka pagpamilok lamang. Apan subo lang kay sa usa lamang ka pagpamilok, mamahimong magun-ob ang pagsalig. Ug kung mabu-ak na kini, lisod na tukuron pag-usab.
Kasaligan ba kita? Kaya ba natong tipigan ang sekreto nga gipaambit kanato o ato kining ibandera sa atong laing mga kaila. Bisan pa man wala tay intensiyon nga motraydor apan ang siple nga pagbutyag sa gamay nga sekreto wala na kini'y kalainan pa sa pagbutyag sa labing dako nga sekreto sa kalibutan.
Tam-is paminawon kung kita mismo ang makadawat ug pabor gikan sa higala. Apan usahay lisod ihatag ang pagdisisyon kung ang ato na nga pagtabang ang gikinahanglan labi na kung kini naglambigit ug kinabuhi, pamilya ug kaugmaon. Apan sa pipila ka lugas, ang panahon na ang mobutyag kung kaya ba nilang ibuhis ang pipila nga nahabilin sa ilang kaugalingon para sa suod nga higala.
Sa akong nasinati ug sa akong ihap, gatosan ang akong mga amigo. Apan pipila lamang kanila ang akong mga higala. Duha na ka tuig ang milabay sa dihang (gawas sa akong pamilya), usa na lang ka tawo ang nagpabilin nga bug-os nga mitoo kanako, ug adunay usa nga nagduhaduha. Ang pipila, naghunaw sama kang Pilato, ang uban nanghimakak, sama kang Pedro.
Ang kalibutan puno sa tigpakaaron-ingnon. Ang kalibutan gidayan-dayanan sa mga lobo nga nagtakuban sa pagka-karnero.
Mura'g kagahapon lang apan karon, nabanhaw sila nga kaniadto "wala na makaila kanako" duha ka tuig ang milabay. Mapainubsanon kung gihangop ang pipila. Karon, maipasigarbo ko na nga daghan na sab ko'g amigo ug amiga, apan wala ray lima ang akong higala.
Usa ka adlaw, mamahimong mawala ang akong suod nga higala. Apan dili ako mabalaka kay aduna akoy higala nga bag-o ko lang nakaila - si Jesus. Siya ang akong higala nga mao ra sab ang miluwas ug mihugas sa lapokon kong kalag.
Naa baya pod ko higala sa cyberworld nga wala panumbalinga ang pagkamalapokon ug pagkamasakiton ko nga kalag sa kagahapon. Si RR, si LA ug si RRD, sila ang "three little rulers of three new good worlds". Ayaw ninyo basaha ang sunod nga linya kay sekreto ni para sa akong higala. "Wala na koy load. Basin malimtan" Hehehehe
Ambot lang!
Visit also: Third Wave
Contact me: Send Mail
Subscribe in a reader 
*Napatik sa Panguil Bay Monitor (Ozamiz City), October 29 - November 4, 2007, 2007 issue.
3 comments:
bitaw tinuod gyud na imong gipanulti uyon kaayo ko batang buutan.Once maguba ang trust sa friendship lisod na gyud ibalik mura ra na ug samin nga nadugmok di kayang ibalik nga way lamat diba?
If you stick something in your eye, tears will flow; and if you hurt a person deeply, you will discover his true feelings. If you throw rocks at birds, you will scare them away; and if you insult a friend, you will break up friendship. Even if you have a violent argument with a friend, and speak sharply, all is not lost. You can still make up with him. But any friend will leavel you if you reveal his secrets, or if you turn on him unexpectedly.
apart from our external best friend and internal bestfriend (our ownself) JESUS is our heavenly best friend.
here is a very nice song kuya
Hillsong - Best Friend lyrics
Have you heard of the one called Savior?
Have you of His perfect love,
Have you heard of the one in heaven,
Have you heard how He gave His son'
Cause I found this love,
I believe in the Son. Show me Your way.
I believe in the One called Savior,
I believe He's the risen One,
I believe I'll live forever,
I believe that my king will come,
Cause I found this love,
I believe in the Son. Show me Your way.
Chorus:
Jesus, you are my best friend,
And you will always be,
And nothing will ever change that,
Jesus, you are my best friend,
And you will always be,
And nothing will ever change that.
Bridge:
Nothing will ever change that,
Nothing will ever change that,
Nothing will ever change that,
Nothing will ever change that.
kuya i forgot to write the source sa first paragraph sa akong comment sa book of SIRACH sa bible nakuwangan d-i na nako ug write.
SIRACH 22:19-22
But any friend will leave you if you insult him, if you are arrogant, if you reveal his secrets, or if you turn on him unexpectedly.
Post a Comment