Katulgon pa kaayo ko. Nindot pa gyod kaayo ipiyong. Ambot ngano, nakulangan man gyod ko sa akong katulog. Unsaon hangtod sa akong pagkatulog gihunahuna man gihapon nako ang unod sa akong gibasa kagabii.
Kasagaran bation ko ug duka kung makulangan ko sa kape. Sa akong gimbuhaton, likayan gyod nako nga magdukduka kay lisod na kung masayop ko sa grammar, sa spelling, basin ang comma mahimong period ug ang labing sakit kung masayop ang data. Kinahanglan nga alerto gyod kanunay, ug dapat inspirado matag adlaw. Inspired ba ko karon? Taym pa ha ako sang i-check. Aw, inspired oi, nganong di man?
Nakahinumdom na hinoon ko niadtong nagtungha pa ko sa high school. Matag Miyerkules ug unang Biyernes sa bulan naay misa ug pasimbahon gyod ming tanan. Ambot ba matag simba nako katulgon man gyod ko. Makapiyong gyod ang akong mga mata. Human ug simba mawala man sab ang akong duka.
Si Fr. Cardinal Pintac ang Director niadto sa among tulunghaan ug siya sab ang magmisa. Inig sugod na niya niya'g wali magsugod na sab ug piyok piyok ang akong mga mata, dili lang ako, halos kaming tanan. Ug kung mabantayan na gani ni Fr. Pintac nga daghan na ang magduka, kaliton niya ug dako ang iyang tingog. Makaigpot intawon mi sa kakuyaw. Dili pod hinoon magkatawa (bisan nahimoot) kay naa baya silang ma'am, hadlok intawon mamaynusan ang grado. Wa gyod hunahunaa nga mas gamhanan pa ang Ginoo nga nagtan-aw.
Kung mag-rosaryo na gani mi sa balay, mura gyod ug ikamatay nako ang akong duka. Sige lang intawon ug pasidaan si Nanay pagkahuman sa pangadye kay si Tatay na man lang intawon ang makasabat sa Maghimaya ka Maria. Pero pagkahuman sa rosaryo, mawala na man ang akong duka kay makatan-aw pa man ko ug tv (black and white intawon tong tibiha, baterya sa truck ang gigamit kay wa pay koryente sa amoa niadto). Bisan sa akong pag-ampo sa dili pa matulog makalimot ko usahay kung unsa na to akong naampo kay nakapiyong naman. Makuratan na lang ko nga wala diay matiwas akong pag-ampo. Mao man tingali nga niwang ko kay basin gaba na ni? Hehehe. Just kidding!
Aw, sa gobyerno gani daghan man pod ang nahikatulog. Sa serbisyo publiko daghan man ang nagduka. Ako na lang kahang singgitan akong kaugalingon, Hoy gising!
Taym pa, nganong sleepy hollow man nang title? Dili man related. Unsa ko, si Ichabod Crane? Pero ang nahisulat, nahisulat na ug dili na angay usbon, matod pa ni Pilato, si Pilato ba tong nag-ingon o si Herodes? Dili pod tingali si Hudas kay naghikog baya to. Aw, dili ko mohisgot ana nila oi, samot nga out of topic. Nawala na hinoon ang akong katulgon.
Ambot lang!
Subscribe to:
Post Comments (Atom)
4 comments:
mayng buntag diha. hehehe. kahinumdum gyud ko anang fr. pintac kay sya ra gyud ang pari nga ing-atog style ug minisahan. hehehe. moKALIT lang to SYAG kusog sa iyang TINGOG. hehe. quite a character. da, ka-ilad lagi'g... oops. hehe.
naa say pari dire sa Pardo nga hinay kaayo ug tingog unya dugay kaayo mahuman ang iyang wali. one time nagpaatubangan gyud ko ug lingkod aron ko makaconcentrate. sa tinuod lang indot man siya mo wali pero wla lay ka life life ug dili halos madunggan makaduka gyud on the other hand sa tanang pari dire sa Pardo siya ang pinaka maayo mo serbisyo, inubanan gyud ug kakugi, pagsakripisyo ug paghigugma, katong grabe kaayo kadaghan ang naglinya aron mangompisal atol sa semana santa siya ra gyud ang ni serbisyo gikan sa buntag hangtod sa hapon maski dili iyang schedule ni serbisyo gyud siya , siya pa gain ang kinatiguwangan (70s na). (i wonder asa kaha ang uban)
hahahaha maka relate gyud ko ana Batang buutan woi,sauna naa gyud na barangay sa amoa unya ihatod sa kada balay magabii sus basta mag rosaryo na duka gyud kaayo,basta mahuman na gani muingun na ug "Bii-bii" means maayong gabii,sus akong mata mukalit lang ug lagat kay naa man snacks gahulat hahahahaha lingaw bitaw sauna sa bata pako mao ray apas ang snacks inig human.Sa simbahan pod kay magduka sad ko muduko nalang gud ko kay aron dili mailhan nga natulog na diay ko hahahaha kasalbahis gyud nako ai.Pero pag highschool nako ako gyud nahuman permi ang 9 days before christmas kay ako man gitahasan sa attendance kung kinsa mga klasmet nako ang nanimba paita to bitaw.Pero ingun sila basta mahuman daw nimo ang misa de gallo kay pwede daw mi wish pero wala baya to na granted akong wish tingali kay wala man gyud akong faith ato for the sake lang sa attendance.It's all about faith gyud ang pagsimab dili lang kay for another reason.
@Darlene: hehehe.. parehas pod diay sa amoa, naay tig-check kung mosimba ba. naa mi atoy mass card. papermahan man to sa human sa misa...
Post a Comment