Sukdanan sa gugma

Do you love me because I am beautiful, or am I beautiful because you love me? (Cinderella)

Matod pa sa uban, ang gugma lisod tugkaron tungod sa kalawon niini. Ang gugma kuno, lisod sabton kay kini motipas sa rason. Sa mga binugoy nga nga estorya, kapugngan pa kuno ang baha apan dili ang gugma. Tungod sa gugma kuno, walay imposible. Gani si Don Quijote nakig-away man sa windmills tungod ug alang sa iyang gugma sa usa ka babaye sa iyang imahinasyon. Si Juliet, nagpakamatay man tungod sa iyang gugma kang Romeo. Taym pa kinsa may magpakamatay para nako? Tubag! Wala gyod intawon. Hehehe.

Unsa man diay ang sukdanan sa gugma? Sa obserbasyon sa uban, ang taas dali mahigugma sa taas, ang gwapa sa gwapo, ang dato sa dato, ang uyamot ngadto sa uyamot. Apan kini nga "balaod" dili "applicable" sa tanan kay dunay ginaingon nga ang badlongon parisan ug buotan, ang adik para sa relihiyosa? Kay matod pa ni Miss G, "kinsa pa man diay ang magmahal nila (mga adik daw) kundili kita?" Pagkatam-is paminawon apan ang tam-is diay maaslom.

Kung dako kuno ang paghigugma sa usa ka lalaki ngadto sa babaye, "modako" ra kuno ang gugma sa babaye sa kadugayan. Matudlu-an ra diay ang kasingkasing.

Matag usa managlahi ang gihimong sukdanan sa gugma. Dako ang kalainan lani na ang panglantaw sa babaye ug sa lalake. Para sa kadaghan sa mga lalake, ang paghatag sa tanan nga butang makalipay sa babaye maoy usa ka "manisfestation" sa gugma. Apan para sa babaye, mas labaw pa sa mga butang nga mahimong mahatag sa lalake ang sukdanan sa pagbati. Naay naghunahuna nga ang pagsakripisyo sa lalake alang sa iyang hinigugma maoy basehan. Kung kaya kuno sa lalake nga tagaan ug kagawasan ang babaye aron mapakaslan ang ka-chat nga Amerikano, mao na kuno kana ang tinuod nga gugma.

Usahay makapamalandong ko, unsa man diay ang perpekto nga gugma? Kung anaa man, atua lang ba kini sa Utopia, ug wala sa tinuod tang kalibutan?

Duha ka mga balak bahin sa gugma ang padadyon nga nakapaikag kanako. Matag linya nga akong nasag-ulo modulot gyod sa akong kasing-kasing. Nia ang tipik sa maong mga balak. Kini nga balak ni Christopher Marlowe (1564-1593) mura ug estilo sa pagpanguyab sa akong amigo:

The Passionate Shepherd to His Love

Come live with me and be my love,
And we will all the pleasures prove,
That valleys, groves, hills and fields,
Woods or steepy mountains yields.

Ug nia ang tubag nga gisulat ni Sir Walter Raleigh (1554 - 1618)

Her Reply

If all the world and love were young,
And truth in every shepherd's tongue,
These pretty pleasures might me move
To live with thee and be thy Love.

Nia ang mga tam-is nga saad:

And I will make thee beds of roses,
And a thousand fragrant posies,
A cap of flowers and a kirtle
Embroidered all with leaves of myrtle;

Ug ang tubag:

Thy gowns, thy shoes, thy beds of roses,
Thy cap, thy kirtle, and thy posies,
Soon break, soon wither--soon forgotten,
In folly ripe, in reason rotten.

Ako lang gipakita ang managlahing panglantaw sa gugma sa lalake ug babaye nga gipakita sa duha ka balak nga gisulat sa managlahing magbabalak.

Ang kapakyasan sa gugma naggamot sa gihimong sukdanan sa matag usa. Tungod sa managlahing panglantaw, mapikas-pikas na hinoon ang pagbati inay mahiusa ngadto sa usa ka direksiyon - ang kalipay nga way sama.

Bisan pa man kung ingon niini ang sangputanan sa gugma, dili ko mahadlok nga mahigugma pag-usab. usa ra ang akong gikahadlokan, ang makamata ko usa ka buntag nga nakalimot na ang akong kasinkasing kung unsa ang gitawag nga gugma.

Gugma na sab!

Ambot lang!