Monday, August 25, 2008

Call Center Someday

Gipangutana sa iyaan ang iyang Grade Four na nga pag-umangkon.

Unsa may gusto nimo Gang inigkadako nimo?

I want to become a nurse someday.

Mitingsi'g dako ang iyaan. Nganong nurse man?

Because I want to become a call center someday!

Mao na ni uso karon, tipas-tipas. Sa tinamban pa nga pagkasulti, likoy-likoy ni bai. Ang engineer mag-medical transcriptionist, ang nars mag-maestra. Ang maestra magpa-helper; ang helper mangitag parenir.

Sa bata pa kuno ko, patindugon kuno ko's tunga unya ingnon, ispel plawer. Paspas kaayo kuno ko nga moingon: IP-IL-OW-DABOLYO-EE-AR. Sa ato pa kung nauso ang magtrabaho sa call center kaniadto, magtoo gyod among silingan nga mag-call center agent ko kay sayo man nagkat-on ug Inengles. Tsk.

Kini ra bang mo-aplay tag call center agent, pa-ispelingon ta usahay.

Interviewer: Ispel CAT.
Applicant: Unsa nga kat, kat nga iring o kat nga samad?
Interviewer: Na hala, TIGER na lang aron sayon! GRRRRRR!!

Duol ra na gamay sa pangutana nga: HIGH TIDE o LOW TIDE? Kauban ra na sa EH nga gahi ug EH nga humok. Likoy na sab!

Matod pa sa usa ka inahan, karon pa lang daan tudlu-an na gyod ang mga bata og Inengles, bulahan madawat dayon sa call center. Apan lahi ang panglantaw sa usa ka silingan, kay matod pa angay gyod mokat-on pag-inengles ang mga bata aron dali ra makakita'g pares nga parenir (foreigner). Unsa na ni uy!

Ang pagtrabaho sa call center o sa mga Business Process Outsourcing (BPO) companies nakapaikag kaayo labi na sa mga batan-on. Kay dili lang mabaid ang ilang katakos sa pag-inengles, mas bintaha pa gyod ang sweldo ug may daghan pang benipisyo.

Sa mga pamantalaan bitaw,dagko man gyod kaayo ang mga advertisement aron maikag gyod ta nga mangaplay sa call center. Pananglitan, may mga kompaniya nga moingon nga "cool" kuno ang trabaho isip call center agent. Dunay manghambog ng lingaw kuno motrabaho sa ilang kompaniya. Dunay nagpalahi, nga kadtong mga tawong "hyper" lang ang angay motrabaho sa ilaha.

Dako baya'g ikatabang ang mga BPO companies sa ekonomiya sa tibuok nasod. Kung wala tingli na nga mga kompaniya hayan nga karon daghan ang mga walay trabaho.

Dinhi sa Sugbo, misulbong ang gidaghanon sa mga BPO companies ug walay hunong ang "hiring". Gani gipanglantaw nga mo-doble pa ang gidaghanon sa mga BPO compnies ng magtukod dinhi sa Sugbo. Makita bay gyod ang tmailhan kay daghan na kaayo mga IT building ang gitukod. Makabntay ang mga bag-ong gradwet gikan sa kabisayaan ug Mindanao, nangari gyod sila sa Sugbo aron intawon manimpalad.

Bisan pa sa ingon niini nga kalambu-an, mamahimong mamiligro kining maong industriya kung padayon nga mapasagdan ang kalidad sa atong edukasyon.Gani sa mga pagtuon, nagkaluya na kuno ang atong kinatibuk-ang katakos sa pagsulti sa pinulungang inengles. Aw, dili man gyod na problema ba, ang mas ngay kabalak-an mao ang huyang na kaayo nga pagtoo sa kaugalingon natong katakos isip us ka nasud.

Hina na lagi gyod kuno ang atong Inenglesan. Mao kuno nga daghan ang dili madawat sa call center.

Apan tulo ra gyod kuno ka pulong inengles ang pinaka-importante; really?, why not? ug yes. Mao ba? Ngano kaha sa? Basta mao nay akong nadunggan ug mao na ang akong gipraktisan.

Ambot lang!

*Napatik sa Panguil Bay Monitor (Ozamiz City), August 18 - 24, 2008 issue.

Visit also: Third Wave
Subscribe in a reader
AddThis Social Bookmark Button

6 comments:

Anonymous said...

wahahaha!!! "Because I want to become a call center someday!" ..LOL/KUK! (katawa ug kusog)hahahah!!! Gusto niya ma-Call center someday?? ako pud..wahaha!!! Gimingaw nako dha sugbo..atay!"WHY NOT!?" hahaha!!!
sa dihang mao diay ko na Nars kay 'i want to be a call center pud diay hahahaha' ug sa dihang na-call center jud ko! wahaha! KUK!m (xLink tah..nalingaw ko!) KUKUKUKUK

weng said...

thats true daghan ang ganahan mag call center agent kai dakog sweldo ug indot ug mga benepisyo. usa gud unta kos mo trabaho ug call center.
pero dapat unta kon gi aghat nato ang mga kabataan ug bansay sa english dili unta tungod kai aron makatrabaho ug call center ===== di sab aron maka farehner. learn english language for everyday use making sure not to discount the use of ones own native language.

Anonymous said...

Ang uban moingon, "They can speak English a little." Ako moingon, "I can speak English big because mine is a carabao english." he he he

Pero sa kalibotan sa mga englis, ang akong gilisdan kining southern accent. Morag nagkanta nga pinasaguyod ug daw gikaon ang mga pulong. magsigi na lang ko'g ingon," excuse me" ilabi na ning medyo bungolbungol na ang akong TheLongGun.

Anonymous said...

@karizchoco
- erm... what's KUK?

Anonymous said...

KUK (Katawa ug Kusog)is the bisaya version of LOL (Laugh Out Loud) ...hahahah! KUK!

DodOng said...

btaw nuh!!
kasagara krn sa mga kabatan-onan kay gaganahan sa kolcenter..
daku jud d i na og sweldo?
kay aq btaw klasmeyt kay ni.indang og skwela daun nag apply sa kolcenter...