Friday, March 7, 2008

Napasmo

Uso na sab ang rally sa Pilipinas. Usahay ra ba kining mga raliyista mangabasa kay bisan ulan dili baya gyod na sila moundang; usahay sab kay paulanan sila sa bombero. Mao na mahalin gyod ang tambal sa sip-on ug trangkaso.

Naay poy daghang raliyista makalimot na la'g kaon - mangapasmo na hinoon.

Kini ra bang pasmo kuyaw kaayo. Duna to'y silingan namo kaniadto magsige la'g dagan unya pataka la'g yawyaw. Matod pa nila nabuyagan kuno sa dakong tabay. Naa sab miingon nga nasudlan kuno sa dili ingon nato. Gi-binukid na baya, naihaw intawon ang baboy'ng ogis pero wa man naulii.

Hala naunsa man nga napasmo ra man diay kuno to. Bisan pasmo ang "diagnoses" sa doktor-doktor sa baryo, kinahanglan gyod kuno una nga ma-confine sa "mental hospital" este "mental tree". Mao to nga gigaid siya sa pinutol nga dakong punoan sa Doldol.

Nakasulay na ba mo nga mapasmo? Kanang mapasaran ug kaon ba. Lain lain man ang bati-on ana. Naay uban labdan ug ulo, naay mura kuno sila'g maglutaw sa hangin, naay mura kuno'g mabuyong kay mua'g motuyok kuno ang palibot. Mao tingali nga kung magrabehan ang pasmo yabag gyod ang labas.

Sayon ra kuno ang tambal sa pasmo. Katong akong iyaan (namatay na ra ba intawon) maayo kaayo mohimo ug himasmo. Ambot giunsa basta pabukalan man to niya ang dukot, ice, ug uban pa. Dili kaayo ko kasabot nganong naay ice nga i-apil ug pabukal. Basta, dili man ta kabuot.

Pwede sab kuno ang itlog nga bisaya (itlog sa manok-bisaya). Paligid-ligiron kuno sa abuhan unya ipasuyop sa pasyente este sa napasmo.

Bisan asa may nagkadaiyang bersyon panghimasmo. Unsa man kini, ang akong nabantayan, aduna man sab epekto. Kung si Noy David pay pasultihon, "mosalir gyod pre".

Sa ka-moderno sa panahon, kinaraan lang gihapon ang pamaagi sa pagtambal sa mga baryong mura'g gitalikdan sa mga naa sa katungdanan. Maayo na lang gani naay kamunggay nga ikapuga sa mga samad sa pagpasagad; kung wala, ambot lang kung may antibiotic ba nga sarang madapat aron ang samad dili madala sa lubnganan.

Mura ang katilingban man tingali ang napasmo. Napasmo kaha sa kamatuoran nga angay masayran? Dili lang sab ta magpalabi kay basin mabutdan na hinoon ta sa mga kahiwi-an.

Taym pa, nakapaniudto na ba ko?

Pasmo kang bata ka!

Ambot lang!


Visit also: Third Wave
Contact me: Send Mail
Subscribe in a reader
AddThis Social Bookmark Button

*Napatik sa Panguil Bay Monitor (Ozamiz City), March 10 - 16, 2008 issue.

11 comments:

weng said...

gigutom na hinuon ko dire da, unsaon wala man d-i ko ka pani-udto karon pero sure jud ko nga mana kag kaon kuya.aw kandidata kos kapasmo ani.

lessons learn

dapat mo kaon gyud aron dili mapasmo kai kon pananglit ni run sa akong family ang pagkabuang basin usa kos buang nga dalhonon sa mental hospital o di ba kaha usa kos igaga-id sa pinutol nga doldol.

na sa ato pa dapat likayan ang pagkapasmo aron dili mabuang. ang atong nasud kon dili mapaso, mapasmo. ug kon ang pagkaon akong responsibilidad aron dili ko mapasmo, parehas ra gihapon na ako gihapong responsibilidad aron dili mapasmo ug malukapa ang akong nasud.

sugod ugma mo kaon nako ug pani-udto permi kai di ko ganahan mabuang.

JGG said...

Mangaon ta. Nakaluto na kaha si Bai Clarence no? LOL. ambot lang!

Bitaw, tinuod nga kinahanglan dili gyod ta mobiya sa kaon aron dili mapasmo.

Pero ang kuyaw mao ang pasmo sa kusog tungod kay wa nakadama sa pagkaong iya sa kasingkasing. Gugma na sab!

Ambot lang!

Tito said...

pariha adtong estudyante nga mikuhag exam. pag-uli sa balay gipangutana sa ginikanan "unya dong pasar ka?"
"Pasar mo lang." tubag niya.
"pasar gyod?",giklaro sa ginikanan ang iyang tubag.
"Pasar lagi. Pasar ang paniudto ba."
he he he

Unya gifollow up sa ginikanan sa dihang nangaon na sila. "sigi dong, kaon gyod. bahalag buang basta kusgan."

Utah Mommy said...

Bitaw delikado ning pasmo kay makabuang sus kadtong among silingan bitaw sa bohol nabuang tawn bataa kay mulakaw paingun eskwelahan way kaon then ig uli mubalik nalang sa skul way paniudto paita ana woi maong nagsalimuang karon ilang gi priso kay maghubo na unya manggukod ug tawo kaluoy buutan baya to bataa unta

JGG said...

kalooy sab no?

Dili na lang sab kaha ko mokaon sa, para mapasmo ko. Gusto man gud ko maghubo. (ambisyon - bold star)

Ambot lang!

Unknown said...

hala ka!
nahisgutan akong pangalan nganhi..
hahaha

Anonymous said...

kaon jud..puslang mapasmo..at least kusgan!!! nyahahah!

JGG said...

@randomdemeanor: mao..hehehehe

Anonymous said...

pssttt...sugdi ug tubag ang akong tag...

http://randomdemeanor.wordpress.com/2008/03/19/143/#comment-785

have fun!!! hahah

Anonymous said...

idol jud taka pag bisaya nga blogs...unta makabalo ko magbisaya pud...

Anonymous said...

wahahaha... unta ako pud kabalo magbisaya... taga davao here! maauung adlaw...