Thursday, 27 March 2008

Pwera Gaba

Sa pagbisita ni Rodolfo "Jun" Lozada sa Sugbo daghan ang nasagmuyo sa dihang misulti siya atubangan sa mga Sugbuanon nga ang "Archdiocese of Cebu" nahimo na nga "Archdiocese of Malacañang". Nga sa ato pa ang Archdiocese ug ang Cardinal mismo nahimo na nga "itoy-itoy". Nagdudan man gud intawon si Junior nga gipugngan ni Cardinal Ricardo Vidal ang mga kapari-an sa Sugbo nga magmisa atol sa iyang pagbisita sa Sugbo.

Wala baya kuno gidid-i ni Cardinal Vidal ang mga kapari-an.

Pero gibawi man sab dayon ni Junior, matod pa niya, "joke" ra daw tong iyang giingon. Usa lang ba gyod ka pasi-aw? Pag-sure oi, matod pa sa akong pag-umangkon.

"Gabaan siya [Jun Lozada] ana... Kabuotan sa atong Kardinal, siya ra ang nanamastamas." Mao kini ang reaksiyon ni Rep. Pablo Garcia.

Si Nang Felicidad mora'g gikilatan, makapanguros sa gipamulong ni Junior dungan ang pag-ingon og Susmaryosep! ug namugnaw intawon sa dihang nahibaw-n niya nga gidugangan pa ni Leah Navarro ang pagtampalas sa Cardinal.

Pwera gaba lang, kining uban dili nila bantayan ilang gipamulong kung makasakit ba sa ilang isigkatawo.

Hinoon kining gaba depende ra man ni sa pagtoo ba. Kung dili sila motuo'g gaba, aw ilaha sab na. Dili sab angay nga ato silang pugson sa pagpatoo nga tinuod ang gaba - gabaan n'ya ta.

Kini kunong ubang mga tiguwang "nagbaligya lang sab kuno sa ilang gaba". Nahisgutan man gud kay naa man gud mi tiguwang nga silingan dinhi sa Mandaue nga magsige ug tagbo-tagbo sa iyang kulukadidang nga drayber sa sikad. Didto pa gyod mag-deyt sa gamay nga plasa sa Mandaue (Centro), atbang gyod sa St. Joseph Church. Susmaryosep!, matod pa sa iyang igsoon nga tiguwang na sab. Kinsa pod uroy mopalit og gaba?

Ikaw, bai Clarence mopalit ka? Naay discount. He.He.He

Kining mga amahan ug inahan grabe kuno makagaba. Mao na nga daghan gyo'ng mga anak nga magbinuotan ug dili mosukol sa ginikanan. Mag-ayo nga gabaan. Si bai Ramses buotan man to, mahadlok tingali to siya'g gaba sa? Hinoon si bai Ramses bisan sige to'g pasi-ugda sa mga tinuod nga botbot, buotan gyod to - may gaba o wala.

Maunsa diay ta kung gabaan ta?

Ingon nila, kung mag-usik-usik ka sa pagkaon magabaan daw ka. Ug ang gaba - mahimo kang baboy. Hala kahadlok. Istorya ra man hinoon na. Tingali kung butangbutangan ka sa ang imong isigkatawo magabaan ka; ug ang gaba, butangbutangan sab ka. Way sukod sa balos ba.

Mura naglibog na man hinoon ko. Basta matod pa sa akong Lola, "ang gaba dili magsaba".

Matod pa sa akong uyu-an nga mangtas, dili gyod magbinuang sa "chicks" kay makagaba gyod na. Ang "cats" makagaba baya sab.

Ang dili nako malimtan mao ang gisulti sa akong amigo.

Nangutana siya. Nganong niwang man ka bai? Ambot lagi bai, kusog man unta ko mokaon.

Hala bai, mao tingaling niwang ka kay gigabaan ka sa pagkaon, dayong katawa. Aw, mikatawa sab ko. Misakit among tiyan ug kinatawa. (Gigabaan)

Pwera gaba tong amigoha.

Ambot lang!

Visit also: Third Wave
Contact me: Send Mail
Subscribe in a reader
AddThis Social Bookmark Button

4 comments:

weng said...

nagtoo ko nga nasagmuyo ang grupo nila ni lozada tungod kai dili man daghan ang ni abiba ug ni patalinghug nila dire sa sugbo. wala man gud sila nag expect nga dili kaau mainiton ang pagsugat sa mga tawo nila dire sa ato ilabi na nga nakahibalo sila ang sugbo balwarte sa administrasyon. na sa ato pa aduna na silay preconceived notion that many will not welcome them warmly.

kon nakasulti man sila ug mga pulong nga daw mahait ug masakit ngadto sa kadagkuang kaparian sa sugbo bunga na kadto sa ilang kasagmuyo ug kaguol (siguro kasuko) kai wla man sila panumbalinga sa mga katawhan.

sa tinuod lang wala ko nibati ug kalagot o kayugot ngadto ni Lozada sa iyang pagpamulong tungod kai sa kasing kasing sa atong cardinal pabilin siyang ligdong ug maayo. gani sa panahon sa erap controvesy gidudahan man sab siya nga dapig ni erap.

ug sa akong kasinatian nakasuway man usab ako sa pagpasakit sa mga tawo nga akong gitamod ug gi respetohan. nakabunggat man usab akog mga pulong nga mahait ug masakit ilabi na ngadto sa akong apohan inahan ug amahan. ug sama ni cardinal vidal padayon sila nga nahigugma nako bisan pa sa akong pagka wlay batasan.

tinuod nga dili na mabawi ang mga masakit nga pulong nga giluwatan nila ngadto sa talahurong cardinal vidal apan manghinaut nalang kita nga sa kasing kasing unta nila namatngunan nila ang ilang kasaypanan ug sa sunod magmatngon na sa mga pulong nga ilang pagabuhi-an.

Titov said...

Dihay tambag sa mga katigulangan" Ayaw pataka'g taak sa basakan nga gitamna'g humay."

Inigsulod nato sa lugar nga dili atoa, labi pang magbantay ta sa atong pulong ug lihok.

rAzAzO'o said...

'joke' diay? aguy naa man pu'y joke karon mahinungod kang jun lozada:

"NANG IPINANGANAK si jun lozada, napagkamalan siyang tae ng komadrona at muntik nang itapon!"

hapdos baya nga joke, noh?

Utah Mommy said...

Musta na Jerry? Hope all is well with you. By the way we are going home with my son on May 07 we will arrive at Cebu Mactan International Airport around 11:30 A:M. Hope to see you there with Weng.