Tuesday, 12 February 2008

Usahay

Hapit na man diay ang adlaw sa gugma. Hinoon para nako matag adlaw mao man ang "adlaw sa gugma" mao nga ang ka-espesyal sa Pebrero katorse sama ra ka-bililhon sa matag adlaw ko'ng pangidahay.

Usahay makahinumdom man sab baya ko sa akong mga kaagi ba sa gugma ba. Naa man gyod na. Usahay mosantop sa akong hunahuna unsa kaha kung siya ang gikauban ko karon. Init o tugnaw ba kaha ang akong kagabhion ug kaadlawon?

Usahay ra man ni ba. Usahay ra gyod ni nako mahunahunaan. Mao nga inay tas-on nako pagbatbat ang akong mga kasinatian sa gugma (unsa na noy!), mopalit na lang ko'g gitara sa Opon unya duyogan ko ang akong kaugalingon ning awit nga giuluha'g "Usahay". Pwede sab mag-duet ta. Aw, sa dili pa diay, ako ning ipahinungod kang - aw dili lang lagi nako nganlan. Na hala day, nakabalo na ka kung kinsa ka. Kining awit kinasingkasing kong ipahinungod kanimo.

Usahay
Composed by Nitoy Gonzales
Originally Performed by Leni Alano


Usahay, nagadamgo ako
Nga ikaw ug ako nagkahigumaay
Nganong damguhon ko ikaw
Damguhon ko kanunay sa akong kamingaw

Usahay, nagamahay ako
Nganong nabuhi pa
Ning kalibutan
Nganong giti-aw ti-awan
Ang gugma ko kanimo
Kanimo, da.

Kanimo ra ba gyod?

Ambot lang!

Visit also: Third Wave
Contact me: Send Mail
Subscribe in a reader
AddThis Social Bookmark Button

*Napatik sa Panguil Bay Monitor (Ozamiz City), February 11 - 17, 2008 issue.

10 comments:

Titov said...

Abi ko bag malumos sa alak
Ang kagahapong gibahak
Makamao man diay molangoy
Busa kining sinalikway nagma-oy

Bless said...

Makalingaw nga balak ni titov.

Ug makamingaw ang kanta.

Nalingaw ko diri sa imong blog.

batang buotan said...

@titov, pagkatam-is ug lunsay sa imong mga pulog! salamat!

@bless, salamat sa pagbisita. balik balik nya.

weng said...

hahahahaha da pa man. im happy to hear that u were able to experience valentines everydya. sakto ka ang valentines jud dapat everyday na nato masinati ug ako nang gipaningkamotan nga sa matag adlaw nakong panikay sikay mapa ambit nako sa uban ang akong gugma dili lang sa akong mga minahal sa kinabuhi, sa mga higala ug kaila lakip na sa mga tawo nga kanunay nako ma yam-iran matag pakiluoy nila nako ilabi na sa mga bata sa kadalanan ug ang mga makililimos. hinaut pa unta

i want to reshape my heart this time bigger for the poor people especially the oprressed.

gervacio said...

Hi weng, maayo ni da kay lunsay bisaya gyod imong giyawyaw diri. Malipay baya gyod ko kung bisaya ang komento. Ganahan ko sa imong pulong 'yam-iran'. LOL

Uyon ko sa imong gisulti weng. Makabalo ka mokanta sa "Usahay" nindot baya gyod na nga kanta..

nakabantay ka sa comment section? nagka-improve na ang blogger no? naa nay drama nga sagol. kini nga comment ako gigamit ang wordpress.

batang buotan said...

Hi weng, maayo ni da kay lunsay bisaya gyod imong giyawyaw diri. Malipay baya gyod ko kung bisaya ang komento. Ganahan ko sa imong pulong 'yam-iran'. LOL

Uyon ko sa imong gisulti weng. Makabalo ka mokanta sa "Usahay" nindot baya gyod na nga kanta..

nakabantay ka sa comment section? nagka-improve na ang blogger no? naa nay drama nga sagol. kini nga comment ako gigamit ang BLOGGER.

girlfromdipolog said...

yati ra! makatawa nga malipay jud tingali ko kung kantahan kog in-ana.
kanang pinakurog ba!

Michelle said...

kabalaknon jud ni manoy oi. hehe :)

Jeffrey said...

Sakit hunahunaon kung ang imong hinigugma adunay lain nahigugmaan. Sakit! Sakit kaayo!

Salamat sa Diyos kay hatagan ko nya na angay kanako ug tinuoray na ma inlove..hehe

chezza said...

Hi! This is my husband's fave song...He loves me to sing it for him almost everytime :)
visit my blog too ;)
Bisdak sad ko ;)