Thursday, 31 January 2008

What's your flavor?

Strawberry!

Kaniadto ang condom magsinaw ra man ug manimaho lang goma. Ang uban bahong batong. Pero kuwidaw, kay karon naa nay lain-lain nga "flavor" ang condom nga baligya sa merkado.

Kung mogamit ko anang butanga, strawberry ang akong pilion nga flavor. Apan kay dili man, wa na koy labot unsa nga flavor ilang gibaligya. Aw, bisan unsa gud - depende man na sa sabot. Naa bitaw na sa TV Ad diin gipakita nga ang lalaki ug babaye mipili sa flavor sa comdom nga ilang paliton. Saludo gyod ko sa copywriters, sa director ug sa tanan nga responsable sa paghimo sa maong TV Ad.

Maayo na lang wala ko nahimong copywriter kay kung ako tingali ang nagsulat, basin maghikog ang mga miyembro sa giingong "Pro-Life" groups sa kasuko. Gani karon nga dili ra kaayo bug-at ang mensahe sa mga condom ads, buot man sa mga "Pro-Life" groups ug labi na gyod sa simbahang Katoliko nga tangtangon ang maong mga "ads" ug dili na ipagawas. Ang katarongan mao nga tungod kuno sa mga "condom ads" mosamot nga ma-enganyo ang mga batan-on labi na gyod ang tinedyer nga makighilawas bisan dili pa unta angay.

Kaniadto nga wala pay condom, uso na man gyod ang pakighilawas ba. Dili na lang na lalison "pader" kay mao man na ang tinuod. (Binutbot ra ning akoa ha. Hehehe)

Kining pagbaligya ug condom dako man sab ni nga negosyo ba. Kung usa lang unta ang naghimo ug nagbaligya og condom sa Pilipinas, dili na unta kaayo gikinahanglan ang "advertisement". Apan lagi sa ngalan sa negosyo ug sa "competition" mao nga makita nato ang nagkadaiyang "advertisement" sa condom. Naa man gud tay giingon nga "when the business is good, it pays to advertise; when the business is bad, we must advertise; but remember, advertisement is not a panacea of ailing business."

Apan matod pa sa lider sa tropang mangtas nga tua karon sa kaulohan, "when your partner seems safe, it pays to protect; when your partner is questionable, you must protect; but remember, protection is not always better than cure!".

Ambot lang kay inengles man na, basta mao na ang prinsipyo sa tropang mangtas.

Lisod baya gyod ni himoon ang advertisement sa condom. Kung ang produkto shampoo batok sa kaspa, pwede man nato ipakita nga usa ka babayeng gwapa nga hilabihan ka-kaspahon, pwede man nato ipakita sa advertisement nga naligo siya, unya migamit sa shampoo. Pagkahuman, ipakita nga nahanaw ang iyang kaspa. Sayon sa?

Kung ang atong produkto, condom, hala unsaon man? Dili pod maayo nga ipakita ang tinuod. Pwede tingali nga mogamit ug mga butang nga duol sa tinuod - sama sa saging. Pwede ta mogamit ug saging, unya ipasul-ob ang condom para mapakita unsaon paggamit niini. Pwede kaayo! Pero nasulayon na baya ni sa Estados Unidos ug mi-angal ang naa sa banana industry. Bitaw sab, prutas baya na nga sustansiyado ug lami-an kaayo unya himoon lang 'dummy' sa goma. Dili tinood maayo.

Unsa kaha no kung talong atong gamiton? Aw, sigurado nga moangal ang mga negosyante'g talong. Kung ampalaya na lang kaha? Hala, kapait!

Anga mga tig-gama ug tig-baligya og comdom aduna sab baya na silay katungod nga mo-promote sa ilang baligya. Kini bitaw'ng baligya nga bingka sa Mandaue, isinggit man gyod sa tindera, "palit na Dong, lami kaayo". Mao na nga halin kaayo ang bingka. Mao ra sab na sa condom.

Mao na 'pader' nga dili na lang nato sila pugngan. Motabang na lang ta ug pasabot pinaagi sa simbahan ug sa tulunghaang (Katoliko) unsa ang linugdanangan niianang paggamit sa condom.

Kung ang pangutana, sala ba o dili ang paggamit sa condom? Wala na koy ikatubag niina. Apan alang sa tropang mangtas, mas sala ang 'manggamit"!

Saksi ko nga si Bai Danny dunay dalang condom, 24 Oras! Matod pa sa amigo nako nga hapit na magpatakod sa tropang mangtas, "hindi namin kayo tatantanan!" Kining akoa, estorya ra man ni - walay sagol nga bakak (botbot ra), way gidapigan (kuno), way gi-protektahan (sigurado?), serbisyong tinuoray lamang! Kinsa ra man gud ang magtinabangay kundili kitang magkapamilya.

Ambot lang!

PS: Sunod na lang nato tukion ang sekreto sa tropang mangtas. Aw, available diay "upon request! AMBOT LANG!

Visit also: Third Wave
Contact me: Send Mail
Subscribe in a reader
AddThis Social Bookmark Button

*Napatik sa Panguil Bay Monitor (Ozamiz City), January 28 - February 3, 2008 issue.

2 comments:

weng said...

di man ko ka react ani. i do not know if husband and wives find the use of condom as a better way to enjoy making love. basin dinhi mo apply ang principle of innovation

batang buotan said...

basically, (we, they) use condom to PROTECT against: STD, unwanted pregnancy, and for any other purpose that may serve to users. furthermore, condom gives the couple the feeling of confidence thus, they both enjoy the ACTIVITY without thinking of what may happen next (like getting STD.. and the like)

Whatever! Just for today, condom has less uses to me than ... ambot lang!!!