Aw, ang pangutana diay, unsay akong gusto madawat karong pasko? Daghan sab. Gusto nako makadawat ko ug christmas card gikan kang (dili lang nako nganlan kay basin mapugos siya paghatag), gusto sab nako makadawat ug kiss gikan kang (dili lang gihapon nako nganlan). Ambisyoso gyod kaayo ko. Usahay magdamgo og mga butang nga imposible apan posible mahitabo.
I feel pressured! Unsa kuno? Iningles man to. Bitaw nabati na nako ang pressure kay pila na lang ka adlaw Christmas party na ug hangtud karon wala pa ko naka-post sa akong wish para sa pasko. Kinahanglan nga maka-post na ko sa among company forum para makita sa nakahulbot sa akong ngalan.
Sa pag-browse nako sa forum, nakita nako ang wishlist sa uban; flash drive, coffee maker, CD, bisan unsa na lang. Unsa may akong gusto? Wa gyod koy mahunahunaan.
Nakahinomdun lang ko sa "Pinaka" nga programa ni Pia Guanio sa QTV. Sumala pa, mao kuno kini ang pinakagasgas nga regalo sa pasko:
- mug/tumbler
- planner
- picture frame
- figurine
- soap
- fruitcake
- scented candle
- ballpen/pen
- towel
- calendar (desk/wall)
Kasagaran mao bitaw pod ang ipanghatag ug madawat sa pasko. Sa listahan ang akong nadawat, kalendaryo, tu-alya, ballpen, sabon, figurine, sabon, picture frame, ug mug. Wala pay mihatag nako ug fruitcake. Ang kiss ug christmas card wala gyod sa listahan sa? Nagpasabot nga dili gasgas ang kiss. (Bisan sige na lang. Ahem!)
Unsa man gyod akong gusto? Wala pa koy mahunahunaan.
Gugma lang ang akong gusto karong pasko. Kalisod!
Ambot lang!
Subscribe in a reader
5 comments:
akong gusto daghan sad, tungod sa kadaghan naglibog na kung unsa jud ang maayo iregalo. bwahahaha unta na ni oi.
naa man mi company party pero wla mi manito manita or exchange of gifts. sa department naa mi pero wla pa man mi nagplan unsaon krisis man gud.
wla man ko nakahunahuna ug unsa akong ganahan madawat this christmas pero i like to give this christmas,
pero naa koi ganahan, ang mo kaon ug lechon karong pasko maski karon lang jud (bahala nalang mosaka ang cholesterol)
michelle, makalibog gyod tungod sa kadaghan.. ang pinakagusto na lang gyod, para makuhaan ang kalibog.
weng, eat and we merry this christmas for tomorrow its no longer christmas.. ambot lang!
akong gusto perti sang kadaghan.. pero para malahi.. kay sauna kada pasko akong wish puro gyud material things.. karon.. akong wish.. hinaut unta makakita na kog labtem na tinoud.. kanang pang tru to lyp na gyud bah.. dli na kanang labtem-labtem lang.. unsa na ni ui!!bwahahahahhahahhaha
tikya: matuman ang imong gipangandoy karong pasko!... ako na nakita sa akong bola-bolang kristal..
Post a Comment