Friday, October 31, 2008

Kalag-kalag

Hangtod karon dili pa gyod mahulma sa akong huna-huna kung unsa gyod ning gitawag nga kalag.



Aduna to'y ipanghadlok nako ang akong Lola (pwera kalag) kaniadto. Kung dili ko manihapon, mopasidaan siya: manungkab gani imong kalag unya matakloban sa kaldero, dili na gyod unya makagawas imong kalag.

Sa ato pa, ang kalag, gutomon sab? Ug mubo ra'g pasensiya ang kalag kay manungkab man gyod. Pero ngano man gud kung matakluban sa kaldero ukban bitaw gyod nang kaldero inigka-buntag. Sa akong linghod nga hunahuna kaniadto nakaingon ko nga ang kalag gamay diay kaayo. Kay makasulod man sa kaldero.

Samtang nagtapok-tapok mi human malubong ang akong lolo, kalit lang dunay alibangbang nga mitugdon sa dahon sa kakaw nga duol kaayo namo. Miingon dayon akong iyaan, ang inyong lolo o!

Misiga among mga mata. Sa hilom nakaingon ko nga mibangon diay si lolo gikan sa lubong unya nahimong alibangbang? Kurata ah! Kalag kuno tong alibangbang sa among lolo.

Sa ato pa, ang kalag, makalupad ug ang porma hayop. Maayo unta akong kalag mahimong buyog kay kung mahimong lamok aw maingon gyod nato nga mamaak ko'g hamis nga paa (sa manok).

Niadtong gawas sulod pa ko sa hospital, nagkita mi sa akong amiga. Pagkakita gyod niya nako misiga iyang budlat nga mata ug miingon: Hoy Dong, kaniwang na ba nimo, mura na man kag kalag!

Gitubag nako: Grabe sab nang imong mata simag pa man sa kalag sa embalmer!

Nangatawa na lang mi para dili intawon hangopon sa kalag.

Mas nadugangan akong kahibalo bahin sa kalag. Ang kalag diay, niwang! Wa pa man gud ko nakadungod nga naay miingon. Katambok na man nimo Day, mura na man ka'g kalag!

Nakaingon sab ko nga ang kalag maot. Paminawa ra gud ni ninyo:

Gakampat ra man nang imong make-up Ising uy, mura gyod kag kalag!

Nakadungog na ka'g naay miingon nga, ka-gwapa sa dalaga, mura ma'g kalag! Wala gyod.

Usa ka adlaw niana, nalingaw gyod ko kay malipayon kaayo among silingan, nagkanta-kanta, misayaw, basta saya gyod. Nakalitan na lang mi sa dihang migawas iyang mama dayong ingon:

Naunsa ka Bebot, nagsalimu-ang man ka. Mura man ka'g gikalag!

Misamot na gyod ko kalibog unsa gyod ning kalag. Kung masuko gani to si Tekla, moingon dayon to'g, kung mamatay gani ko, kalgon gyod tika (grrrr!!)!

Matag unang duha ka adlaw sa Nobyembre, pamilyar kaayo aang linya nga: mangalag nya mi sa inyo!

Ang buot ipasabot nga muadto sa balay dili aron manghadlok kundili aron mokaon ug bingka'g budbud.

Misamot ang akong kalibog. Apan bisan pa man, nakighi-usa ko sa mga tumutoo panahon sa kalag-kalag.

Ambot lang!

Visit also: Third Wave
Subscribe in a reader
AddThis Social Bookmark Button

12 comments:

Icymar "Iceman" Tagimacruz said...

ako too ko ana oi.. tinood gyud siguro na.. ambot lang gyud..hehehe
nice blog..

Iceman....

Nyl said...

hehe!mao man!:)

Alan K. Caña said...

lingaw kaayo ko sa imong obserbasyon...kalag,heeeeee!...kalag baya tang tanan...

bestre said...

okay ah! first time ko kta ug bisaya na blog as in

Utah Mommy said...

Hahahahahahaha nakatawa gyud kog maayo aning imong post woi, sige kog nganga, natingala nalang nuon akong bana ngano daw sige kog katawa. Good one Jer, thanks for sharing it.

Jffklein said...

maliGEISHAng bagong taon !

Euroangel said...

visiting here...miss the kalag-kalag in pinas

DA6 said...

hello friend, kumusta?

Happy New year sa imong kalag hahaha!

Btw, palihog kog change sa akong blog url be. name joemadel..change the link to www.joemadel.com palihog lang Bro..
let me know when ur done..SALAMAT KAAYO!

Unknown said...

hahahhaha! oy nalingaw ko gabasa sa imong sulti oist.hahahha! bitaw tinood jud na aist.maglibog man lamang ta unsay tinood. kana pung bayeng2 gani mutugpa sa bungbong sa balay nig ka gabii muingon dayon cla oy kinsa kaha ni ni duaw nato na kalag.hehhe

DodOng said...

hala oi. lahi ra jud imu article.
pakakatawa man pud ta.
ahaha,. pero tinuod pud bya, ngano jud kha na nuh!!!
hehehei.

Anonymous said...

asa naman si batang boutan buhi pa kaha? o kalag na hehehe! namiss na namo imong mga articles bay. Dapadyun

Monster Paperbag said...

Nalingaw ko ug basa ani :).