Ambot kung nasungot ba siya [akong amiga] kay wala kaayo mahisguti ang iyang gi-idolo nga si Angel Locsin o nasungot siya tungod kay bidli na paminawon ang opinyon bahin sa kagubot nga gipasiugdahan ni Trillanes.
Daghan gyod ang nakabantay nga ang gihisgutan pag-ayo mao ang press ug halos nakalimtan na ang kina-uyukan sa krisis. Mura ba'g gipakasala gyod ang mga pulis nga nagsulbad sa krisis. Unsaon man sab kay giposasan man ang ubang naa sa press, unya gidala paingon sa kampo. Ang uban sab nga naposasan, OA ra kaayo, giisa gyod nila ang ilang kamot aron gyod makita nga naposasan sila.
Sa nahitabo, adunay kakulangon ang pulis. Ug dili sab ikalimod nga dako ang kakulangon sa mga taga-media.
Responsibilidad sa press nga ipaabot sa katawhan ang tinood nga pangitabo. Katungod nila nga nakuha ang impormasyon. Apan asa ba kutob ang utlanan sa katungod ug seguridad? Angay natong hinumduman nga ang kagubot nga gipasiugdahan ni Trillanes may kalabutan na sa nasudnong siguridad. Dili lang kadto basta nga shooting - dili kadto reality show sa telebisyon!
Matod pa ni S.P. Lopez:
Freedom without responsibility will lead to anarchy but responsibility without freedom will lead to tyranny.
Ang kaakuhan sa press ug ang kagawasan sa pagpadayag kanunay mag-uban. Ang kagubot nga gipasiugdahan ni Trillanes maghatag unta ug pagtulun-an alang sa gobyerno ug sa press aron makahulma ug mga patakaran unsay buhaton sa usag-usa panahon sa krisis nga susama sa kagubot nga gipasiugdahan ni Trillanes.
Angay hinumduman nga ang ang Philippine press nagsandig sa demokratikong panggobyerno. Ug ang maong gobyerno usab nagkinahanglan sa press aron molagsik. Kung mahugno ang demokrasya, mahugno usab ang kagawasan nga gipuy-an karon sa media.
Sa susamang kagubot nga gipasiugdahan ni Trillanes, makita kung kinsa ang rebelde ug kinsa ang tinood nga nagmahal sa nasud.
Ambot lang!
Visit also: Third Wave
Contact me: Send Mail
Subscribe in a reader
*Napatik sa Panguil Bay Monitor (Ozamiz City), December 31, 2007 to January 6, 2008 issue.
7 comments:
ang akong nasabtan mao nga gidakop daw ang media people kai ang PNP gusto lang jud mo screen or mo imbistigar sa tanang mga tawo nga nagpabilin sa maong hotel kai wla naman daw sila kahibalo kon kinsa ang mga tawo nga ka alyado ni Trillianes. wala sab ko masayod kon kalapasan ba sa balaod ang gihimo nga pagpusas ug pagdakop sa mga media personnel. naglibog sab gani ko ngano nga ingun ato man kagubot ang nahitabo.
weng dili to kalapasan sa mga pulis. sa panahon sa krisis, kinahanglang buhaton sa otoridad ang tanan aron mapakalma ang sitwasyon. unsaon man sab nga wala man mihawa ang mga taga-media sa lugar mao nga napugos ang otoridad da pagbuhat sa ingon. OA ra kaayo ang media oi nga sige ingon nga nayatakan ang katungod. mura klaro na hinoon nga medyo dapig sila sa rebelde o kang trillanes nga mao ang nagpasiugda sa kagubot.
ngano kung milampos si trillanes, naa pa kahay press freedom karon? siguradong wa na kay sigurado ko nga martial law ta karon. kay mo-declare man gyod ug martial law si trillanes kung siya na ang lider aron mapakalma - may maggubot man gyod unta kaayo. maayo na lang wa nailad ang mga tawo kang trillanes nga maoy nagdala ug nangulo sa kagubot sa nasod...
maayo pa mo-resign si trillanes pagka-senador! ambot lang!
salamat kuya! naa man pud gud ta managlahi nga idea sa nahitabo. wala pud ta kabalo unsa mahitabo sunod adlaw. maong, eenjoy nalang nako ang mga news.
I do not want to say a lot of negative things about Trillanes. After all i really do not know his sentiments and motives. This is just what i observed, every time he appears in television he is always angry and he always criticize PGMA. His profile describes him as a very intelligent person, a cum laude graduate, awarded in various areas and a masters degree holder from UP Diliman. Sometimes people think too high of themselves that they forget how low their emotional intelligence is.
Rallies, coup d'etat, rebellion and uprising had been part of Philippine history many centuries ago. Those also happened during the reign Cory Aquino. Her administration was also threatened with many similar incidents, not so much during Ramos presidency. Of course we can’t question people’s violent reaction during Erap’s time. GMA’s administration is often threatened with uprising and rebellion. This immunes me already and yes its true that rebellion, uprising and other activities related to this is not normal however sometimes I would see them as normal since am already used to them. Its like am not anymore alarm.
kemi, ipadayon ang imong pagka-sensitibo sa mga butang nga naglibot kanimo labi na gyod ang mga panghitabo sa atong palibot.
weng As I point out in my blog post (Technie), the Philippine political culture is vulnerable to adventurism. [..] Political exploitation for personal and institutional advantages, disorientation of national issues and concern, selective nationalism and ignorance, and misplaced trust makes our political culture especially vulnerable.
It is already very clear to me that Trillanes is just another adventurist in Philippine history who poison the minds of the nationalistic people through deception as manifested on his engineered propaganda.
Remember how he accused the administration on the Glorietta bombing? He was so sure that it was a "scripted" act by the governent, yet, he failed to prove it. Can we call lies as ideology? Or isn't the word "deception" fit in on what he did? He appeared as child who lacks attention that a teen who try to convince his parents that he needs new clothes to wear - clothes that fit for a king!
He is so unfortunate however because the Filipino people has been aware that they are misdirected with his "ideologies" fully loaded with personal motives.
abi ninyo nganong migara si trillanes sa pagsupil sa gobyerno? Tungod kay segurado siya nga pasayloon sa iyang mga kalapasan. Si Erap nga wala moangkon nga sad-an , gipasaylo. ang mga konbiktado sa pagpatay ni ninoy aquino, gipasaylo. si honasan nga sigig kudita kaniadto gipasaylo. Gani, dunay hugonhugon nga mosunod si jalosjos.
ang responsibilidad sa pagpahiyos sa krisis sa peninsula hotel anaa sa mga kamot sa kapolisan ug kasundalohan. wala sa medya.
asa may mas importanti ang kasayoran sa unsay mga detalyi sa nahitabong pag-alsa sa mga rebelde o ang pagpakgang nga dili makahatag dakong kadaot sa propriedad ang maong krisis? gani, sa dyotay sapot ni trillanes, minilyon ka pesos ang kadaot nga nahiagoman sa hotel.
Post a Comment