Sa wala lang damha, matod pa sa tiguwang nga tabi-an, nalunod ang barkong gisakyan sa magtiayong Kardo ug Sabel. Maayo na lang naambak sila. Mabdos ra ba intawon si Sabel. Mao nga nag-utaw utaw na lang intawon sila. Nakita sila sa gutom ug mangtas nga iho. Diha-diha, gitukob sa iho si Kardo. Mihilak si Sabel sa kaguol (nahadlok pod). Ug sa dihang nakita niya nga adunay nagsingabot nga laing iho iya kining gitawag.
Sabel: Iho maluoy ka. Tukba na lang ko. Puslan man nga patay na si Kardo. Tukba na ko iho!
Nakalitan intawon ang iho kay lalim ba nga siya nay gihagad. Namalandong ug gitubag si Sabel.
Iho: (nangyam-id) Watatis, butete ka!
Mahadlok sab diay mahilo ang iho? Sa huna-huna sa iho, di gyod ko pa-uwat!
Kita tingaling tawo dali rang mauwat. Kay daghan mang musulay pag-uwat.
Tan-awa ra gud ning balita gikan sa Moscow.
Kung si Retired PNP General Eliseo De la Paz ug si Secretary Ronaldo Puno ang toohan, kadtong 105,000 Euros o 6.9 ka milyon ka pesos nga iyang gibitbit reserba lang kadto sa ilang biyahe sa Russia. Ang ang magpailad motoo gyod.
Kay nangyam-id man ang iho, aw, ang mga tawo diay, giusab ang ilang alibi. Katong salapi diay kuno, cash advance, aw dili, intelligence fund, taym pa ha, ipalit diay kuno to'g ambo unsa. Makalibog na gyod.
Kining mga bakakon, luoy kaayo kay sila mismo mituo na sila sa ilang kaugalingong bakaw. Ka wa sab nilay uwaw no, nga mitukob man sa salapi sa katawhan.
Nakaingon bitaw ko nga kung sila ang ipakaon sa iho, balibaran gyod. Magtoo man ang iho nga butete sila.
Sa gobyerno, sa ginagmay'ng tapok sa ordinaryong tawo, sa gagmay ug dagkong mga negosyo, ubay-ubay gyod ang mangingilad ng nagtakuban nga maoy nailad.
Watatits, nangurakot mo!
Ambot lang!
Visit also: Third Wave
Subscribe in a reader 
5 comments:
wahaha! wala gyud nimo k pakyasa..as usual, makatawa gyud gihapon ko sa imong mga blog entries... politically funny, yet worth-pondering.. keep blogging! ;-)
@ Lemuel,
Bai, salamat sa pagkatawa, este sa pagbasa. Amping kanunay ug timan-i nga ang lungsod nga nasayod maoy makahatag kusog sa demokrasya apan ang lungsod nga mapasagaron maoy makapukan sa atong kagawasan.
Mabuhi ka, higala!
hehe!lingaw..:)
basta mga dagkong tao sa gobyerno mangambot nalang ko...sa maatik nalang guro na ilaha basta makadepensa lang sa kaulaw. pastilan mao jud ning di ta moasenso.
@ Nyl,
Salamat sa pagdu-aw. Pero dili sab tingali tanang dakong tawo sa gobyerno butete no?
Aw, ambot lang!
ambot lng, pero murag ala naman koy gsaligan nga pulitiko dha sa gobyerno. puro's lng storya way gakahitabo. cge lng pangurakot sa kwarta sa katilingban. maau unta ibahug na sila sa iho. aw. ahahaha.
Post a Comment