Una sa listahan sa mga pasaway sa Pilipinas sa tuig 2007 mao ang mga Abu Sayyaf bandits and Moro Islamic Liberation Front (MILF) guerrillas kinsa mipatay sa 14 ka mga Marines didto sa Albarka (formerly Tipo-tipo), Basilan. Mga pasaway gyod kay tiaw mo bang gigulgul man nila ang liog sa 10 ka Marines. Kining mga Abu Sayyaf bandits and Moro Islamic Liberation Front (MILF) guerrillas nga nagbuhat sa ingon maayong bunatan ug ikog sa pagi ug paludhon sa asin nga sinagulan ug vetsin. Ambot lang!
Ikaduha sa listahan si Antonio Tillanes nga napili isip Senador sa nasod niadtong eleksiyon sa Mayo 2007. Naunsa man tong tawhana nga mikalit man lang ug ilog sa eksena. Mi-walk-out gikan sa korte ug mi-martsa sa kadalanan sa Makati ug miukopa sa Manila Peninsula Hotel. Luoy baya sab kay wa intawon siya suportahi sa kinabag-an sumala sa iyang gilauman pero sa iyang gihimo, nahilandig hinoon siya sa listahan sa pasaway sa 2007.
Ikatulo sa listahan mao si Malou Fernadez nga mibuhi ug hait nga mga pulong sa mga OFW. Daghan gyod kaayo ang nasuko niya. Asa na kaha si Malou no? Basin mipalit ug pahumot. Ambot lang!
Ikaupat nga pasaway mao ang presidente sa Pilipinas - si Gloria Macapagal Arroyo. Para nako dili pa man gud angay hatagan ug "pardon" si kanhi presidente Joseph Estrada kinsa napamatud-an sa korte nga nangawkaw , nanghabas ug dako nga salapi. Para kang presidente Gloria, usa ka pino nga lunit sa kilid lamang ang angay. Ayaw na ug pasaway ha? Kay layo pa ang 2010.
Ang ikalima sa listahan mao si Manny Pacquiao sa dihang midagan siya isip kongresista sa miaging eleksiyon (Mayo 2007). Hinoon katungod pod baya niya nga modagan pero kahibalo na man gyod unta siya nga gihulhugan lang siya sa mga nagpalibot niya mao nga pasaway gihapon tong iyang gibuhat.
Ang pinaka-pasaway sa 2007 dili lang nako ilista kay personal man. Ako ra man ang naapektahan - ako lang ang nasakitan. Pero kung iya ning mabasa, nakabalo na siya kung kinsa siya. Kay nasayod siya nga may kasing-kasing siyang gisamaran. Unsa na ni oi!
Ambot lang!
Visit also: Third Wave
Contact me: Send Mail
Subscribe in a reader 
*Napatik sa Panguil Bay Monitor (Ozamiz City), January 21 - 27, 2008 issue.
8 comments:
lagi tinuod jud. nalingaw kaajo ko sa imuhang post.
grabe brod...gisamaran jud imomg kasing-kasing..pagka wa sa'y puangod sa! hehe...bitaw oi...natural ra man ning masakitan ta.
happy new year diay belated...mura nakaagi man ko diri pero wa may tao.maayo kay nakabalik nka...
kuya ayaw nalang dad-a ang kasakitan nimo sa year 2007 sa year 2008 ibilin nalang to.sure ko nga you will be very happy this year ug sa umaabot pa nga mga katuigan kai your very strong naman to face different challenges.
hikalimti na lang si jennylyn mercado, bay.
bay batang buotan, pasaway sad ka! gibitin mi nimo. wahaha. morning cebu!
rAzAzO'o: salamat bai!
Nancy: Kagahapon pa ko nagsugod ug ki-at. lol.
weng: wala gyod nako dad-a. pasagdan na lang to.
Titov: sa damgo ra gyod intawon nako naangkon si Jen bai!
MASTERMIND: bwahahaha.. nakuha gyod nimo da! sa tinuod lang ako ang namber wan nga pasaway sa 2007. dili lang ko magsaba. secret lang ba.
Hala woi grabe kinsa kaha na maintriga man sad ta ba hehehehehe sus politiko naman pod tingali ning uban nimong gihisgutan nga pasaway batang buutan heheheh di gyud ni mawala nga topic ba.
Lain pay atoa maayo kay naa nay bag ong haon ang imong mansion sige kog balik balik diri baktas tawn nabantok na ang dala sigeng paso paso diri wa gyud karon arang arang kay naa na hekhekhekhek
ayayay morag nagpa dungog2 ka dah. kinsa kaha nagsamad nimo noh? tawn pod sa batang buotan. sige lang kung nasamaran ka, naa man sad na balos nga maayo. basin karong tuiga wala nay samad. hehe
Post a Comment